အမေရိကန်နှင့် ထိုင်းတို့၏ ၁၀ ရက်ကြာ Cobra Gold စစ်ရေးလေ့ကျင့်မှုကြီး စတင်

အမေရိကန်နှင့် ထိုင်းတို့၏ နှစ်စဉ် ပြုလုပ်နေကျ Cobra Gold ပူးတွဲစစ်ရေး လေ့ကျင့်မှုကြီးကို ဖေဖော်ဝါရီ ၁၄ ရက်က စတင်ခဲ့ကြောင်း သိရသည်။ သမ္မတသစ် ဒေါ်နယ်ထရန့် လက်ထက်၌ အာရှနှင့်ပတ်သက်သော အမေရိကန် နိုင်ငံခြားရေးမူဝါဒ၏ ဦးတည်ချက်ကို ရှင်းရှင်းလင်းလင်း မသိရသေးခင် ယခုပူးတွဲ စစ်ရေးလေ့ကျင့်မှုကို ကျင်းပခဲ့ခြင်းလည်း ဖြစ်သည်။

Cobra Gold ပူးတွဲစစ်ရေး လေ့ကျင့်မှုတွင် ပုံမှန်အားဖြင့် ခက်ခဲပင်ပန်းစွာ လေ့ကျင့်ရသည့် နေ့ရက်များ ပါဝင်သလို ရံဖန်ရံခါတွင် ထိုင်းတောနက်ကြီးထဲ၌ ကြောက်ရွံ့ထိတ်လန့်ဖွယ် စစ်ရေးလေ့ကျင့်မှုများလည်း ပါဝင်သည်။ ယင်းစစ်ရေး လေ့ကျင့်မှုသည် အာရှ၌ အမေရိကန် ဦးဆောင်ပြုလုပ်သော အကြီးဆုံး စစ်ရေးလေ့ကျင့်မှုကြီးလည်း ဖြစ်သည်။

၂၀၁၄ ခုနှစ်က ထိုင်းတွင် စစ်အာဏာ သိမ်းမှုဖြစ်ပွားခဲ့ပြီးနောက် အမေရိကန်အစိုးရက ထိုင်းသို့ ပေးနေသည့် စစ်ရေးအကူအညီကို ဖြတ်တောက်ခဲ့ပြီး ဒီမိုကရေစီစနစ်သို့ ပြန်လှည့်ရန် တောင်းဆိုခဲ့သည်။ ထိုကဲ့သို့ နှစ်နိုင်ငံကြားတွင် တင်းမာမှုများ မြင့်တက်ခဲ့သော်လည်း ပူးတွဲစစ်ရေးလေ့ကျင့်မှုကို နှစ်စဉ်ဆက်လက် ကျင်းပခဲ့သည်။ တစ်ဖက်တွင်လည်း အမေရိကန်သည် ၎င်းနှင့် နှစ်ရှည်လများ ရင်းနှီးသော ဆက်ဆံရေးရှိသည့် မဟာမိတ် ထိုင်းနိုင်ငံသည် ပြိုင်ဘက်အင်အားကြီး တရုတ်ဘက်သို့ ယိမ်းသွားမည်ကိုလည်း စိုးရိမ်ရပြန်သည်။

ဖေဖော်ဝါရီ ၁၄ ရက်က Cobra Gold စစ်ရေးလေ့ကျင့်မှု စတင်သည့် အခမ်းအနားသို့ အမေရိကန် ပစိဖိတ်ဌာနချုပ်၏ ဥက္ကဋ္ဌဖြစ်သူ ရေတပ်ဗိုလ်ချုပ်ကြီး ဟာရီဟားရစ်ကို တက်ရောက်စေရန် အမေရိကန်အစိုးရက စေလွှတ်ခဲ့သည်။ ထိုင်းတွင် စစ်အာဏာသိမ်းမှု ဖြစ်ပွားခဲ့ပြီးနောက်ပိုင်း ဗိုလ်ချုပ်ကြီး ဟားရစ်သည် ထိုင်းသို့ရောက်လာသည့် ရာထူးအမြင့်ဆုံး အမေရိကန်အစိုးရ အရာရှိဖြစ်သည်။ ဒီမိုကရေစီ စနစ်ဖော်ဆောင်ရန် အကြိမ်ပေါင်းများစွာ နှောင့်နှေးခဲ့သည့် ထိုင်းအာဏာသိမ်း စစ်အစိုးရကို ဒီမိုကရေစီ အုပ်ချုပ်ရေးပြန်စရန် ဟားရစ်ကတိုက်တွန်းခဲ့ကြောင်း သိရသည်။

“ထိုင်းကို ကျွန်တော်တို့ရဲ့ ခိုင်မာပြီး တည်မြဲတဲ့ မိတ်ဖက်နိုင်ငံ တစ်နိုင်ငံအဖြစ် ရှိစေလိုတဲ့အတွက် ထိုင်းမှာ သာယာဝပြောတဲ့ ဒီမိုကရေစီစနစ် ပြန်လည်ဖြစ်ပေါ်လာဖို့ ကျွန်တော်တို့ မျှော်လင့်ပါတယ်” ဟု ဟားရစ်က ပြောကြားခဲ့သည်။

တရုတ်၏ အဆက်မပြတ် ကြီးထွားနေသော အင်အားနှင့် မျှခြေဖြစ်စေခဲ့သည့် အိုဘားမားလက်ထက်က အာရှဗဟိုပြု မူဝါဒကို ထရန့်က မည်သို့ဆက်လုပ်မည်နှင့် ပတ်သက်၍ ရှင်းရှင်းလင်းလင်း မသိရသေးမီ ယခု ၁၀ ရက်ကြာ ပူးတွဲလေ့ကျင့်မှုကို စတင်ခဲ့ခြင်း ဖြစ်သည်။ သို့သော် ထရန့်၏ အစိုးရအဖွဲ့မှာ လူ့အခွင့်အရေးကိစ္စနှင့် ပတ်သက်ပြီး ပိုမိုပျော့ပျောင်းသော သဘောထားရှိနိုင်သည့်အတွက် ဒေသတွင်း၌ ထိုင်းစစ်အစိုးရ အပါအ၀င် အခြားသော အာဏာရှင်အစိုးရများ ပြန်လည်ခေါင်းထောင်လာစေရန် အခွင့်အရေး ပေးသကဲ့လည်း ဖြစ်လာစေနိုင်သည်။

စစ်ရေးလေ့ကျင့်ရန်အတွက် ထိုင်းနိုင်ငံရှိ ချွန်ဘူရီနှင့် နစ်ခွန်ရတ် ချာစီမာပြည်နယ်များသို့ အမေရိကန်တပ်ဖွဲ့ဝင် ၃၆၀၀ ခန့် ရောက်ရှိလာကြမည် ဖြစ်သည်။ ထို့အတူ စင်ကာပူ၊ ဂျပန်၊ တောင်ကိုရီးယား၊ အင်ဒိုနီးရှား၊ မလေးရှားမှ စစ်သားများလည်း ရောက်လာမည် ဖြစ်သည်။

Cobra Gold စစ်ရေးလေ့ကျင့်မှုကို ၁၉၈၀ ပြည့်နှစ်ကတည်းက စတင်ခဲ့ခြင်းဖြစ်သည်။ ယင်းစစ်ရေး လေ့ကျင့်မှုများထဲတွင် အမေရိကန် မရိန်းတပ်များသည် တောနက်ထဲတွင် အသက်ရှင် ကျန်ရစ်နိုင်ရေးအတွက် မြွေသွေးများကို သောက်ရခြင်းတို့ အပါအ၀င် ခက်ခဲကြမ်းတမ်းသော လေ့ကျင့်မှုများစွာ ပါဝင်ခဲ့သည်။

ယခုနှစ်၏ စစ်ရေးလေ့ကျင့်မှုသည် လူသားချင်း စာနာထောက်ထားမှုဆိုင်ရာ အကူအညီပေးမှုနှင့် သဘာဝပတ်ဝန်းကျင်ဆိုင်ရာ ကူညီကယ်ဆယ်မှုများကို အဓိကထား လုပ်ဆောင်သွားမည်ဟု အမေရိကန်သံရုံးမှ ထုတ်ပြန်ခဲ့သည်။ ထိုလူသားချင်း စာနာထောက်ထားမှုဆိုင်ရာ လေ့ကျင့်မှုများတွင် တရုတ်နှင့် အိန္ဒိယတို့လည်း ပူးပေါင်းပါဝင်မည်ဖြစ်ပြီး အခြားသော နိုင်ငံတစ်ဒါဇင်ခန့်ကလည်း လေ့ကျင့်မှုများကို ကြည့်ရှုရန် ကိုယ်စားလှယ်များ စေလွှတ်မည် ဖြစ်သည်။

Credit To >>> Eleven Media Group