ဒီခေါင်းဆောင် ၂ ဦးရဲ့ လုပ်ဆောင်မှုတွေဟာ ဒီကနေ့ခေတ် အာရှတိုက်မှာ အရေးပါနေတာတွေ့ရပြီး ကိုယ့်နိုင်ငံတွင်း စီးပွါးရေး ဖွံ့ဖြိုးအောင်လုပ်တာနဲ့ တချိန်ထဲမှာပဲ ကမ္ဘာ့စီးပွါးရေးကမောက်ကမ မဖြစ်အောင်ကာကွယ်ပေးတဲ့အပြင် အာရှဒေသကြွယ်ဝပြီးငြိမ်းချမ်းမှုရှိအောင်ကျိုးစားကြတာမို့ အခုါလို ရွေးချယ်လိုက်တယ်လို့ ပြောပါတယ်။
ဂျပန်ဝန်ကြီးချုပ် ရှင်ဇိုအာဘေးဟာ ဂျပန်နိုင်ငံမှာ ဒုတိအအကြိမ် ဝန်ကြီးချုပ် တာဝန်ကို စထမ်းဆောင်ချိန်ကစပြီး ထူးထူးခြားခြား လုပ်ဆောင်ခဲ့တာတွေ့ရပြီး ပြီးခဲ့တဲ့လ ဖိလစ်ပိုင်မှာ ဟိုင်ယန်တိုင်ဖုန်းမုန်တိုင်း ဒဏ်ခံရချိန်မှာ ကြီးမားတဲ့ အကူညီတွေပေးခဲ့သလို မြန်မာနိုင်ငံ ဒီမိုကရေစီလမ်း လျှောက်လှမ်းရာမှာ ကူညီနိုင်ဖို့ ကြွေးမြီတွေ လျှော်ပစ်ပေးခဲ့တယ်လို့ ဆိုပါတယ်။
တရုတ်သမ္မတ ရှီကတော့ မနှစ်က သမ္မတရာထူး လက်ခံခဲ့ပြီးတဲ့နောက် မှာ နိုင်ငံတွင်း အဂတိလိုက်စားမှု ပပျောက်အောင် ကြိုးစားခဲ့သလို အာရှတိုက်ဖွံ့ဖြိုးရေး အခြေခံအဆောက်အအုံတွေအတွက် ထူးထူးခြားခြား ကူညီခဲ့သူဖြစ်ပြီး ပထမဆုံး တရုတ်သမ္မတအနေနဲ့ အင်ဒိုနီးရှားလွှတ်တော်မှာ မိန့်ခွန်းပြောကြားခဲ့သူလို့ ဆိုပါတယ်။
အာရှဒေသမှာ အရှေ့တရုတ်ပင်လယ်ပြင်ထဲ နယ်မြေပိုင်ဆိုင်မှုဆိုင်ရာ အငြင်းပွါးနေတဲ့ ဂျပန်နဲ့တရုတ်နိုင်ငံတွေက ခေါင်းဆောင်၂ ဦးကို ခုလိုပူးတွဲရွေးချယ်လိုက်တာဟာ ဒီ ၂ နိုင်ငံကြား မတူညီမှုတွေကို ညှိနှိုင်းဆောင်ရွက်ဖို့ သတိပေးလိုက်တာလို့လည်း The Straits Times ရဲ့ နိုင်ငံခြားသတင်းဌာန အယ်ဒီတာက VOA ကိုပြောပါတယ်။
ဂျပန်ဝန်ကြီးချုပ် ရှင်ဇိုအာဘေး
VOA
0 comments:
Post a Comment