ဘရက်ဇစ်အလှုပ်နှင့် မြန်မာအပေါ်သက်ရောက် နိုင်ခြေ

လူထုခေါင်းဆောင် နိုင်ငံ့ ခေါင်းဆောင်၏ထိုင်းနိုင်ငံခရီးစဉ် အောင်မြင်မှုသတင်းတွေအကြား စီးမျောဝမ်းသာနေရသောနေ့ရက်များအတွင်း ကမ္ဘာကို ကိုင်လှုပ်လိုက်သလိုဖြစ်သွားသည့်ကိစ္စ တစ်ရပ်လည်းဖြစ်ပေါ်ခဲ့ပါ၏။ အောက်စ်ဖို့ဒစ်ဂျစ်တယ်အဘိဓာန်၌ပင် ဝေါဟာရသစ်တစ်လုံးထပ် တိုးလိုက်ရပြီး ကမ္ဘာ့မီဒီယာအများစုမျက်နှာဖုံးသတင်းဖြစ်ခဲ့သော ဘရက်ဇစ် (Brexit) ဖြစ်သည်။ ဗြိတိန် (အင်္ဂလန်)နိုင်ငံဥရောပသမဂ္ဂမှထွက်သည့် (Br နှင့် Exit ကို ပေါင်းလိုက်၍) ဟူသော အဓိပ္ပာယ်။ ဇွန်လ ၂၃ ရက် ဗြိတိန်လူထုဆန္ဒခံယူပွဲတွင် ဥရောပသမဂ္ဂထဲဆက်မနေလိုတော့ နုတ်ထွက်မည်ဟု ဗြိတိန်ပြည်သူ ၅၂ ရာခိုင်နှုန်းက ဆန္ဒမဲပေးခဲ့ကြ၍ အီးယူထဲဆက်နေဖို့ တောက်လျှောက်ဆော်သြစည်းရုံးခဲ့သော လက်ရှိဝန်ကြီးချုပ် ဒေးဗစ်ကင်မရွန်းက တာဝန်ယူ၊ တာဝန်ခံခြင်းကို ပြသသည့်အနေဖြင့် ရာထူးမှ နုတ်ထွက်ကြောင်း ကြေညာလိုက်၏။ ဇွန်လ ၂၄၊  ၂၅ ရက် (ဥရောပစံတော်ချိန်များအရ)တွေအထိ မီဒီယာတို့သာမက အင်စတီကျုဒ့်ကြီးတွေ၊ ပညာရှင်သင့်ခ်တင့်ခ်များပါ မကျန် ဤဖြစ်ရပ်၊ ဤကိစ္စကို ဖော်ပြကြ၊ မှတ်ချက်ပြုကြနှင့် တောက်လျှောက်အလုပ်များနေခဲ့ကြ၏။ ကာလတစ်ရပ်အထိလည်း ဆက်လက်ဆွေးနွေးငြင်းခုံသုံးသပ်နေကြရပါလိမ့်ဦးမည်။ ဂလိုဘယ်သက်ရောက်မှုအဖြစ်လည်း နှစ်များချီ၍ ပေါ်ပေါက်နေပါဦးမည်။ ထုံးစံအတိုင်း အကောင်းအဆိုးကတော့ ဒွန်တွဲ၍ လွန်ဆွဲနေပါလိမ့်ဦးမည်ပင်။

ထိုအကျိုးဆက်၊ သက်ရောက်မှုက ဘာတွေဖြစ်လာနိုင်သလဲ။ လေ့လာထားမိသမျှအပေါ် ခြုံငုံ၍ နှစ်ပိုင်းခွဲကြည့်မြင်   သုံးသပ်ပါ မည်။ လတ်တလောအတွက်ပဲဆို လိုကြောင်းကိုတော့ ကြိုတင်ပြော ထားလိုပါ၏။

ဥရောပနှင့် ကမ္ဘာ

လောလောဆယ်မှာ စတာ လင်ပေါင်ငွေတန်ဖိုး ၃၁ နှစ်အ တွင်း အနိမ့်ဆုံးထိုးကျသွားသည်။ ဒါကို ပြဿနာသိပ်မဟုတ်ဟုယူ ဆ၍ရကြောင်း Financial Times က တွက်ချက်ပြ၏။ ပြဿနာက ဘာတွေဖြစ်လာနိုင်သည်လဲ။ ယူအက်စ်အခြေစိုက်ကမ္ဘာကျော် ဉာဏ်ကြီးရှင်အဖွဲ့ထဲပါသော CFR (Council on Foreign Relations) နိုင်ငံခြားဆက်ဆံရေး ကောင်စီဥက္ကဋ္ဌ ရစ်ချက်ဟားစ်က တော့ ပြင်းပြင်းထန်ထန်ဝေဖန်၏။ လွန်ခဲ့သော နှစ်လ ဤလူထုဆန္ဒခံ ယူပွဲလုပ်မည်ဆိုကတည်းက ကမ္ဘာကို မွှေနှောက်တော့မည်ဟုလည်း CFR ကတောက်လျှောက်ပြောခဲ့ ၏။ အင်္ဂလန်၊ ဝေးလ်စ်တို့ ဦး ဆောင်ပြီး စကော့တလန်နှင့် မြောက်အိုင်ယာလန်တို့  ပါဝင် သော ယူနိုက်တက်ကင်းဒမ်းပြဿ နာချည်းသာမဟုတ်။ သမိုင်းဆိုင် ရာတွေအရ ပြန်နှိုးဆွလှုပ်ခတ်စေ နိုင်ခြင်းများက လောလောဆယ် လပိုင်းလောက်ဖြစ်ပေါ်မည့် ဈေး ကွက်မတည်မငြိမ်ဖြစ်မှု၊ သုံးသပ် ချက်တွေ ထွေပြားရှုပ်ထွေးမှုတို့ ထက် အနာဂတ်ကို ပိုသက်ရောက်စေလိမ့်မည်ဟု ဥရောပကျွမ်းကျင် သူ ဂျာနယ်လစ် ရောဘတ်တွမ့်ဘ်စ်က ဖောရင်းပေါ်လစီမဂ္ဂဇင်းကြီး မှာ ဆောင်းပါးရှည်တစ်ပုဒ်ဖြင့် သုံးသပ်ပြထား၏။ ဗြိတိန်အပါအ ၀င် ဥရောပသမဂ္ဂအဖွဲ့ဝင် ၂၇ နိုင်ငံထဲ၌ ယခုဘရက်ဇစ်က နဂို မစွမ်းရင်းကရှိနေကြသော ပြင် သစ်နှင့် နယ်သာလန်တို့ကိုလည်း လှုံ့ဆော်ရာကျပေမည်။ ယူကေ ထဲက စကော့တလန်နှင့် မြောက် အိုင်ယာလန်မှ မဲဆန္ဒရှင်အများစု ကြီးကတော့ အီးယူထဲဆက်ရှိနေ ရေး မဲပေးခဲ့ကြသဖြင့် အင်္ဂလိပ် တွေ ဘယ်လိုရှေ့ဆက်စခန်းသွား မည်လဲဟု ပူပန်မှုများလည်းရှိလာ ၏။

  ဥရောပသမဂ္ဂအနေဖြင့် အရှေ့ဥရောပ ထွန်းသစ်ဖွံ့ဖြိုး လာနေသော နိုင်ငံများအရေး၊ လူ ၀င်မှုကြီးကြပ်ရေးနှင့် လွတ်လပ် သော ဗီဇာကင်းမဲ့စနစ်စသည့် ကိစ္စရပ်များ၌ ထဲထဲဝင်ဝင်အဖြစ် ဆုံး၊ ပြဿနာအတက်ဆုံးက အ ကြမ်းဖက်ဝါဒဖြစ်နေ၏။ စီးပွား ရေးအရ ကွန်မြူနတီကြီးတစ်ရပ် (The Whole) အဖြစ်လည်း ဖော် ဆောင်ဖို့ဆိုသည်က စိတ်ကူးအိပ် မက်အဆင့်က မတက်လာခဲ့။ ရုရှား၏ ကိုယ်ကျိုးသိပ်ကြည့်မှု များ၊ တရုတ်၏ စီးပွားရေးအခြေချ မှုတိုးပွားခိုင်မာလာပြီး ဂျာမနီကို ကျော်တက်သွားမှုများ၊ တူရကီ ၏ နေတိုးကို အာခံလာမှုများအပြင် ယူအက်စ်ကိုယ်တိုင်အီးယူနှင့် ညှိနှိုင်းဖို့ ပါဝါအမာကိစ္စတိုင်း၌ မရေမရာမချင့်မရဲဖြစ်လာနေရခြင်းများက ဘရပ်ဆဲလ် (အီးယူရုံးချုပ်၊ နေတိုးဌာနချုပ်၊ ကမ္ဘာ့ငြိမ်းချမ်းရေးဗဟိုဌာန၊ နိုင်ငံတကာရဲတပ်ဖွဲ့အင်တာပိုလ်တို့ ရုံးစိုက်ရာ)ပုံစံသစ်နည်းလမ်းကို ဒီမိုကရေစီနှင့် ဈေးကွက်စီးပွားရေးမူဘောင်များအတွင်း ပိုအငြင်းပွား ဖွယ်များစေသည်ဟု ယူဆကြသူ အများအပြားရှိခဲ့ပါ၏။ ရှိဆဲဖြစ် ပြီး၊ ရှိနေပါလိမ့်ဦးမည်။

 ၀ါရှင်တန်ပို့စ်နှင့် နယူးယောက်တိုင်းမ်က ဗြိတိန်အခြေစိုက်ဂါးဒီးယန်းသတင်းစာနှင့် (ရှားရှားပါးပါး)သုံးပွင့်ဆိုင်အမြင်တစ်ထပ်တည်းလိုလို ဖြစ်နေတာတွေ့ရသည်။ အင်္ဂလန်ကျွန်းစုသည် ဥရောပတိုက်ကြီး၏ ကုန်းမြေမှ မိုင် ၂၀ ဝေး၏။ သီးခြားဘုန်းမောင်တစ်ကိုယ်တည်းရပ်တည်ချင်လည်းရပါသည်။ ဖြစ်ပါသည်... ဟူသတတ်။ (လတ်တလော ဆောင်းပါးနှင့် Op-Ed ငါးပုဒ်ကို မှီငြမ်းကိုးကားပါသည်။) ဒေးဗစ် ကင်မရွန်း၏ ပြောစကားကိုသာ ကောက်နုတ် ကြည့်ကြရတော့ မည်။

‘‘....ဗြိတိန်ပြည်သူတွေက တော့ မထူးခြားနားတဲ့လမ်း ကြောင်းနဲ့ ရှေ့ဆက်ဖို့ ရှင်းရှင်း လင်းလင်းရွေးချယ်လိုက်ကြပါပြီ။ ကျွန်တော့်အမြင်အရ ဒါအတွက် တိုင်းပြည်အနေနဲ့ ဒီလမ်းသစ်ကို ရည်မှန်းသလို သွားနိုင်ဖို့ လတ် ဆတ်သစ်လွင်တဲ့ ခေါင်းဆောင်မှု လိုအပ်လာပါလိမ့်မယ်။ ဗြိတိန်ဆို တဲ့ သင်္ဘောကြီးကို ဆက်ပဲ့ကိုင်ဖို့ မာလိန်မှူးရွေးချယ်ပြီးတဲ့အထိ ရက်သတ္တပတ်တွေ၊ လပိုင်းတွေ မှာ ကျွန်တော့်တာဝန်ကို အကောင်းဆုံးထမ်းရွက်သွားပါဦးမယ်။ တိုင်း ပြည်ရဲ့ နောက်တစ်ဆင့် ဦးတည် ရည်မှန်းရာကို ဆက်သွားကြဖို့ရာ မှာတော့ ကျွန်တော်က ပဲ့နင်းကြီး ဆက်ဖြစ်ခွင့်မရှိတော့ပါဘူး’’။

ဥရောပမှာ အမျိုးသားရေး ၀ါဒီတွေတစ်ကျော့ပြန်ခေါင်း ထောင်လာမှာ စိုးရိမ်သူများက တော့ လူထုဆန္ဒခံယူပွဲလုပ်ဖို့ ကိုယ်တိုင်ဆုံးဖြတ်ခဲ့သော ဒေးဗစ်ကင်မ ရွန်းကိုပဲ စကားနာထိုးနေကြသည်။ ၀န်ကြီးချုပ်သစ်ထပ်မံရွေးချယ်ခန့်အပ်ဖို့က နှစ်ပတ်ကနေ နှစ်လခန့်ကြာနိုင်ခြေရှိပြီး အီးယူထဲမှ ဗြိတိန်အပြီး နုတ်ထွက်ရေးအ တွက်ကတော့ ၂ နှစ်ခန့်ကြာပါဦး မည်။ ကုန်သွယ်ရေးသဘောတူ ညီချက်များ၊ စာရင်းဇယားလုံခြု ရေးတို့မှသည် အစစအရာရာအ မြောက်အမြားစေ့စပ်ညှိနှိုင်းကြရ မည့်အတွက် ဖြစ်၏။

မြန်မာအပေါ်

သင်္ကြန်ကာလများကတည်း က ဗြိတိန်လူထုဆန္ဒခံယူပွဲအဖြေ ယခုလိုထွက်လာလျှင် ဘာဖြစ်နိုင် သလဲဟု မေးခွန်းအချို့ရှိခဲ့ပါသည်။ ခပ်အေးအေးလူလူပဲနေ ကြပါ၊ အခြေအနေအရ အကောင်းဆုံးကို ရွေးထုတ်သုံးသပ်ကြည့်ကြ မည်ဟုသာ ယေဘုယျအဖြေရခဲ့ ကြသည်။ ဇွန်လ ၂၄ ရက် နေ့လယ်ပိုင်း ဘရက်ဇစ်ဖြစ်သွားပြီဆိုတော့ဘာသက်ရောက်မည်လဲ၊ ဘာ ဆက်ဖြစ်ပြီး ဘာလုပ်ကြမည်ထင် သလဲ၊ အစိုးရကကော ဘယ်လို တုံ့ပြန်နိုင်၊ ရှိလာနိုင်သလဲဟူ သော မေးခွန်းများ၊ ချင့်ချိန်သုံး သပ်ချက်၊ ဝေဖန်ချက်များ တစ် ကျော့ပြန်တက်လာပြန်သည်။ ထို အချိန်နှင့် တစ်ပြိုင်တည်းမှာ မြန် မာ့ခေါင်းဆောင်ထိုင်းနိုင်ငံ၊ ဘန် ကောက်၌ မိန့်ခွန်းတစ်ရပ်ပြော ကြားနေပါ၏။ မိန့်ခွန်းဆိုသည် ထက် အထူးလက်ချာ (Special Lecture) ဟု ခေါင်းစည်းတပ် ထားသည်။ ထိုင်းနိုင်ငံခြားရေးဝန် ကြီးဌာနမှာ မြန်မာ၏ ‘‘နိုင်ငံတော် အတိုင်ပင်ခံပုဂ္ဂိုလ်’’ (Her Exce-llency) အဖြစ် ကမ္ဘာကို ပြောကြား နေခြင်းပင်။ လက်ချာခေါင်းစဉ်က ‘‘မြန်မာ၊ အာဆီယံနှင့် ကမ္ဘာ...ရှေ့ဆက်မည့် ခရီးနည်းလမ်း’’ ဖြစ်ပါ ၏။

ဥရောပသမဂ္ဂ၊ ဗြိတိန်တို့နှင့် မြန်မာပြန်လည်ထိတွေ့ဆက်ဆံ မှုစတင်လာခဲ့သည်က ၂၀၁၁ ခုနှစ်လူထုခေါင်းဆောင် နေအိမ်အ ကျယ်ချုပ်မှ ပြန်လွတ်မြောက်ခဲ့ပြီး ဟီလာရီကလင်တန်ခရီးစဉ်ပြီး သည်နှင့် ကပ်လျက်ကာလများ ဖြစ်၏။ အေပက် (APEC) အာရှ ပစိဖိတ်ထိပ်သီးညီလာခံကာလ ၂၀၁၁ အကုန်၊ ၂၀၁၂ အကူးဖြစ် ၏။ အာရှသည် ယူအက်စ်၏ ပစိ ဖိတ်ဖြတ်ကျော်မိတ်ဖက် (TPP) မဟာဗျူဟာကြီးအကြောင်း ဟီ လာရီကလင်တန်အသေးစိတ် ရေးသားခဲ့ဖူးပြီး မြန်မာသည် အာရှ၏ အချက်အချာ၊ မဏ္ဍိုင် (Pivot) ပြန်ဖြစ်လာတော့မည်ဟူ သော ညွှန်းဆိုချက်ကို ယူအက်စ် သာမက ဥရောပခေါင်းဆောင် များကလည်း အတော်အလေးအ နက်ပြုခဲ့ကြပါသည်။ နောက်လေး လအကြာမှာ ကြားဖြတ်ရွေး ကောက်ပွဲဖြင့် ဒီချုပ်အမြင် ခရီး စတင်ပျံသန်းလာခဲ့၏။

ဆိုလိုချင်သည့်၊ သုံးသပ်ရ မည့်နေရာရောက်ပါပြီ...။

ထိုထိုကာလများကတည်း က ဥရောပသမဂ္ဂ၊ ယူအက်စ်၊ ဂျပန်၊ သြစတြေးလျစသော လစ် ဘရယ်ဒီမိုကရေစီနိုင်ငံကြီးတွေ ထံမှာ မြန်မာအပေါ် ကွေးလွယ် ဆန့်လွယ်၍ လုံးလုံးအပြုသဘော ဆောင်သော မူဝါဒနှင့် ထောက်ပံ့ ကူညီမှုများစတင်ခဲ့ပါ၏။ အီးယူ ထဲမှာ ဗြိတိန်၊ နော်ဝေး၊ ပြင်သစ်၊ ဂျာမနီတို့က မြန်မာကို ဂရုအပြု ဆုံးဟု ယူဆနိုင်သည်။ ကာလတစ်ရပ်အလွန်မှာ ၂၀၁၅ ရွေးကောက် ပွဲ၊ ၂၀၁၆ ဧပြီလ ၁ ရက်အစိုးရ သစ်...။

၂၀၁၂ နှစ်ဆန်းကတည်းက မြန်မာအပေါ်ထားရှိခဲ့ကြသည့် မူဝါဒများ၊ ဆက်ဆံမှုနှင့် ဆောင် ရွက်ချက်များ၏ အီဗော်လူးရှင်း သည် မြန်မာ့ဆင့်ကဲဖြစ်ထွန်းတိုး တက်မှုများနှင့် ထပ်တူပိုမိုနီးကပ် များပြားမြင့်တက်တိုးပွားလာနေ ပါ၏။ စစ်ဘက်ဆိုင်ရာမှလွဲ၍ နိုင်ငံရေး၊ စီးပွားရေး၊ လူမှုရေးနယ်ပယ် တိုင်း၌ သက်ဝင်လှုပ်ရှားဖြစ်ပေါ် နေပြီလည်း ခိုင်မာသေချာလှ၏။ ယူအက်စ်က အဆင့်တိုင်း၊ ခြေ လှမ်းတိုင်းအတွက် အဆင့်များ၊ ခြေလှမ်းများ (Steps For Steps) မူဝါဒရှိပြီးသလို အီးယူ၊ အင်္ဂလန် အပါအ၀င် ဖော်ပြပါနိုင်ငံကြီး (ဖွံ့ ဖြိုးပြီး)တိုင်းက ထိရောက်သော မှန်မှန်တိုးတက် ဆောင်ရွက်မှု (Effective and Graduall) ပေါ် လစီမျိုး ကိုယ်စီထားရှိကြပြီးဖြစ် သည်။ ဘဏ္ဍာရေး၊ နည်းပညာ၊ ရင်းနှီးမြှုပ်နှံမှု၊ သတင်းအချက် အလက်၊ သံတမန်ရေး၊ ထောင့်စေ့ သော နယ်ပယ်ကဏ္ဍတိုင်း နီးပါး အတွက် စနစ်တကျရှိနှင့်ပြီးဖြစ် သလို ဆင့်ကဲမွမ်းမံချက်တွေဖြင့် သာ အလုပ်လုပ်နေကြပါ၏။ အ သေးစိတ်လေ့လာချက်စာတမ်း များ၊ ထုတ်ပြန်ချက်များ၊ တရားဝင်ဆုံးဖြတ်ချက်များ၊ အမြောက် အမြားရှိနှင့်၊ တည်နှင့် ပြီးဖြစ်သလို လေ့လာရန်လည်း အားလုံးလက် လှမ်းတမီမှာရှိပါ၏။

 တပ်မတော်သာ ပြောဆို ကတိပြုထားသည့်အတိုင်း ခေတ် မီတပ်မတော် (Standard Army) ဖြစ်လာမည်။ နောက်တစ်ဆင့် တက်၍ ပရော်ဖက်ရှင်နယ်အင်စတီကျူးရှင်းဖြစ်လာမည်ဆိုပါက အရှေ့တောင်အာရှ၌ အဆင့်အမြင့်ဆုံး စစ်တပ်အဖြစ်ရောက်ရှိဖြစ်တည်လာစေနိုင်သော အစီအစဉ်များပင်ရှိပြီး ဖြစ်၏။ ပြည်တွင်း ရေးက သီးခြားဖြစ်၏။ အီးယူ၊ ဗြိတိန်၊ ယူအက်စ်တို့လည်း တိုက်ရိုက်စွက်ဖက်၍မရ၊ လုပ်မည် လည်းမဟုတ်။ ကုသမဂ္ဂအရာသာ ဖြစ်၏။ စစ်လက်နက်မှ လွဲ၍ ကျန် သော ထိတွေ့ဆက်ဆံမှုများပင် စစ်ဘက်အချင်းချင်း တိုက်ရိုက် စတင်ဖို့ လမ်းစပေါ်ရောက်နေပြီ လည်း ဖြစ်သည်။ ပြည်တွင်းရေး သည် အမျိုးသားရင်ကြားစေ့ရေး နှင့် ငြိမ်းချမ်းရေးအပေါ်မူတည်နေပြီး လူမှုစီးပွားတိုးတက်ရေးက မှန်မှန်သွားနိုင်လျှင် မှန်မှန်ဖြစ်ထွန်းပါလိမ့်မည်။ ကာလတစ်ရပ်မည်မျှ ကြာမည်လဲဆိုခြင်းကတော့ မိမိတို့အားလုံး၊ ဗမာအပါအ၀င် တိုင်းရင်းသားအားလုံးအပေါ်မူတည်မည်။ ခေါင်းဆောင်မှုအပိုင်း၌ သိပ်မပြောကြငြား နည်းဗျူဟာနှင့် လက်တွေ့အော်ပရေးရှင်းပိုင်းတွေမှာတော့ သုံးသပ်ကြ၊ ဆင်ခြင်ကြ၊ ပြောဆိုဝေဖန်ကြဆိုတာတွေရှိ၏။ ရှိရမည်။ ရှိလည်းရှိပါမည်။ အဓိကနှင့် သာမညခွဲမြင်ဖို့၊ အပြုသဘောဆောင်ဖို့၊ ထိရောက်ဖို့ပဲလိုပါ၏။ ယဉ်ကျေး၍ အဆင့်မြင့်လျှင် အတိုင်းထက်အလွန်ဖြစ် မည်။ ပိုမြန်မြန်ခရီးပေါက်မည်။

လူထုခေါင်းဆောင်နှင့် ဒီချုပ် အစိုးရထိပ်ပိုင်းကို ယူအက်စ်နှင့် ပို၍ နီးစပ်ထိတွေ့လိမ့်မည်ဟု ရာခိုင်နှုန်းအများစုက သုံးသပ်ခဲ့ ကြသည်။ လောလောဆယ် သုံးလလောက်အတွင်းမှာတော့ ဥရောပ အ၀န်းအ၀ိုင်းနှင့် အထူးသဖြင့် ဗြိတိန်၊ နော်ဝေးတို့နှင့် ပိုနီးစပ်ပုံရ သည်ဟု သုံးသပ်သူပိုများလာပါ ၏။ လက်ရှိချမှတ်ဆောင်ရွက်နေ သော မြန်မာ့နိုင်ငံခြားရေးမူဝါဒ မှာ ‘‘လွတ်လပ်တက်ကြွစွာ ပူး ပေါင်းဆောင်ရွက်ရေး’’ဟု ယေဘုယျပြောနိုင်၏။ ရာစုနှစ်ထက်ဝက် ကျော်အာဏာရှင်စနစ်မှ အရပ် သားအစိုးရအဖြစ် သုံးလပင်မ ပြည့်သေးသော ကူးပြောင်းစနိုင်ငံ ငယ်အဖို့ ဘယ်နိုင်ငံကို ဘာလုပ် မည်။ ဘယ်နိုင်ငံကို ဘယ်လိုထား မည်ဟု ယတိပြတ်မသတ်မှတ် နိုင်။ အင်္ဂလန်လို၊ ယူအက်စ်လို၊ အီးယူလို၊ ဂျပန်နှင့် သြစတြေးလျ လိုတွေကတော့ မြန်မာအပေါ် ထားသည့် မူဝါဒက ၎င်းတို့ပြည် တွင်းရေး (အစိုးရပြောင်းခြင်း)၊ ဒေသတွင်းအရေး (ယခုဘရက် ကစ်)များကြောင့်တော့ ပြောင်းလဲ မည်မဟုတ်။ ကာယကံရှင် မြန်မာ ပေါ်၌သာမူတည်ပါ၏။

ဘရက်ဇစ်ကဂလိုဘယ်အ လှုပ်အခတ်တော့ သေချာသည်။ ထိုရှော့ခ် (Shock) ၏ နောက်ဆက်တွဲ (ကုန်ပစ္စည်းအမှာ/အပို့ကိစ္စ မျိုးကဲ့သို့) ရိုက်ခတ်မှုတော့ မြန်မာအပေါ်တစ်ဆင့်ခံ အသုံးချနေ သည့် ကြားနိုင်ငံများထံမှနေ၍ သက်ရောက်မှုအနည်းငယ်ရှိလာ နိုင်ပါသည်။ အရေးကြီးမူဝါဒပိုင်း ဆိုင်ရာများ ပြောင်းသွားဖွယ်မရှိပေ။

Credit To >>> 7 Day Daily