နိုင်ငံခြားငွေလဲလှယ်နှုန်းများ တည်ငြိမ်စေရေး ကုန်သည်စက်မှုအသင်းချုပ် အကြံပြုမည်

 

မြန်မာငွေကျပ်တန်ဖိုးသည် ၂၀၁၆ ခုနှစ် အောက်တိုဘာလမှ ဒီဇင်ဘာလအတွင်း ၁၇ ရာခိုင်နှုန်း ကျဆင်းခဲ့ပါသည်။ အဆိုပါ နိုင်ငံခြားငွေကြေးလဲလှယ်နှုန်းများ မြင့်တက်နေခြင်း အခြေအနေသည် မြန်မာ့စီးပွားရေးကဏ္ဍအပေါ် ထိခိုက်စေမှုများ ဖြစ်ပေါ်စေလျက်ရှိပြီး ပြည်တွင်းအထွေထွေ ကုန်ဈေးနှုန်းများ မြင့်တက်လာနိုင်သည် ဖြစ်ပါသဖြင့် ငွေလဲနှုန်းများ ပြန်လည်တည်ငြိမ် လာစေရေး အတွက် ကုန်သည်စက်မှု အသင်းချုပ်မှ နိုင်ငံတော်အစိုးရသို့ အကြုံပြုတိုက်တွန်းချက်များ အစီရင်ခံစာကို ပေးပို့မည်ဖြစ်ပါသည်။

ကုန်သည်စက်မှုအသင်းချုပ်အနေဖြင့် နိုဝင်ဘာလ ၂၃ ရက်နေ့တွင် အသင်းချုပ် အကြံပေး ပုဂ္ဂိုလ်များ၊ မြန်မာနိုင်ငံ ဘဏ်လုပ်ငန်းရှင်များအသင်း၊ ပုဂ္ဂလိက ဘဏ်လုပ်ငန်းရှင်များ၊ စီးပွားရေးပညာရှင်များနှင့် တစ်ကြိမ်၊ ဒီဇင်ဘာလ ၁၉ ရက်နေ့တွင် အသင်းချုပ်အကြံပေးပုဂ္ဂိုလ်များနှင့် တစ်ကြိမ်တွေ့ဆုံကာ နိုင်ငံခြားငွေလဲလှယ်နှုန်း မြင့်တက်နေခြင်းအခြေအနေ၊ အကြောင်းအရင်းများနှင့် တည်ငြိမ်စေရေးအတွက် ဆောင်ရွက်ရမည်များကို ဆွေးနွေးခဲ့ကြပါသည်။
အဆိုပါဆွေးနွေးပွဲများ၏ ရလာဒ်များကို အခြေခံပြီး နိုင်ငံတော်အစိုးရ ရေတို ရေရှည် ဆောင်ရွက်ရမည့် လုပ်ငန်းစဉ်များနှင့် ပြုပြင်ပြောင်းလဲမှုများကို စနစ်တကျ ပြုစုကာ အကြံပြုစာ ပေးပို့မည်ဖြစ်ပါသည်။

အကြံပြု တိုက်တွန်းချက်များ အနှစ်ချုပ်
----------------------
လက်ရှိငွေလဲနှုန်းများမြင့်တက်နေခြင်းသည် မြန်မာ့ဈေးကွက်အတွင်း နိုင်ငံခြားငွေ ဝယ်လိုအားနှင့် ရောင်းလိုအား ကွာဟမှု မြင့်မားနေခြင်းကြောင့် အမေရိကန်ဒေါ်လာ တန်ဖိုး မြင့်တက်လာကာ မြန်မာကျပ်ငွေတန်ဖိုး ကျဆင်းလာသောကြောင့် ဖြစ်ပါသည်။
အဓိက အကြောင်းရင်းများအားဖြင့် ကုန်သွယ်မှုလိုငွေမြင့်မားနေခြင်း၊ တရားမဝင် ငွေကြေးဈေးကွက် အားကောင်းနေခြင်းနှင့် ဒေါ်လာဈေးကစားကြသူများကြောင့် ဖြစ်ပါသည်။
နိုင်ငံတော်အစိုးရ အနေဖြင့် နိုင်ငံခြားငွေလဲလှယ်နှုန်းများ တည်ငြိမ်လာစေရေးအတွက် အောက်ပါ လုပ်ငန်းများကို ဆောင်ရွက်ပေးရန် ကုန်သည်စက်မှုအသင်းချုပ်အနေဖြင့် အကြံပြု တိုက်တွန်းထားပါသည်။

ငွေကြေးဈေးကွက်ဆိုင်ရာ အကြံပြုချက်
------------------------
၁။ ဗဟိုဘဏ်အနေဖြင့် လိုအပ်ပါက Free Floating Exchange Rate အစား Managed Floating Exchange Rate စနစ်ကို ပြောင်းလဲ ကျင့်သုံးသင့်ပြီး ငွေကြေးဈေးကွက် မတည်ငြိမ်မှုများအား ပျော့ပျောင်းသောနည်းဖြင့် ထိန်းညှိပေးရန်

၂။ ဗဟိုဘဏ်မှ ငွေကြေးဈေးကွက်အား လိုအပ်ပါက ဝင်ရောက် ထိန်းညှိမည်ဖြစ်ကြောင်း ငွေကြေး ဈေးကစား သူများအား သတိပေးသည့်အနေဖြင့် ကျယ်ကျယ်ပြန့်ပြန့် ကြေညာရန်

၃။ ငွေကြေးဈေးကွက်အတွင်း ဈေးနှုန်းထိန်းညှိခြင်း ပိုမိုလွယ်ကူစေရန် တရားမဝင် ငွေကြေးဈေးကွက်အား တိုက်ဖျက်ပြီး ဘဏ်လုပ်ငန်းများနှင့် အသုံးပြုသူများအကြားသာ တိုက်ရိုက် အရောင်းအဝယ်ပြုစေရန်

၎။ နိုင်ငံခြားဘဏ်အကောင့်မှ တစ်နေ့လျှင် အများဆုံး ကန်ဒေါ်လာ ၅၀၀၀ ဖြင့် တစ်ပတ်လျှင် နှစ်ကြိမ်သာ ငွေထုတ်ယူရန် သတ်မှတ်တားမြစ်ထားမှုအား ချက်ချင်း ပယ်ဖျက်ရန်

နိုင်ငံခြားငွေများ ပိုမိုရရှိလာစေရေး အကြံပြုချက်
---------------------------
၁။ နိုင်ငံခြား ရင်းနှီးမြှုပ်နှံမှုများအား ခွင့်ပြုရာတွင် ငွေကြေးအရင်းအနှီးများအား ပြည်တွင်းသို့ သယ်ယူကာ လည်ပတ်စေမည့် လုပ်ငန်းများအား ဦးစားပေးခြင်းနှင့် ပြည်တွင်း၌ အမှန်တကယ် လည်ပတ်စေခြင်း (Capital Brought-In) ရှိမရှိ စစ်ဆေး ကြပ်မတ်စေခြင်း တို့ကို ဆောင်ရွက်ရန်

၂။ နိုင်ငံခြားရောက် မြန်မာအလုပ်သမားများ၏ ပြန်ပို့ငွေများ တရားဝင်နည်းလမ်းများမှ တစ်ဆင့် ပြည်တွင်းသို့ ပြန်လည်ဝင်ရောက်လာရေးနှင့် နိုင်ငံခြားဘဏ်များ၊ မြန်မာ့နိုင်ငံခြားကုန်သွယ်မှုဘဏ် နှင့် မြန်မာ့ရင်းနှီးမြှုပ်နှံမှုနှင့်ကူးသန်းရောင်းဝယ်ရေးဘဏ် စသည်တို့တွင် ကိန်းအောင်းနေသော နိုင်ငံခြားငွေများ မြန်မာ့ဈေးကွက်အတွင်းသို့ စီးဆင်းလည်ပတ်စေရေး ဆောင်ရွက်ရန်

၃။ ပို့ကုန်နှင့် ပြန်လည်ပို့ကုန်မှ ရရှိသော နိုင်ငံခြားငွေများ ပြည်ပတွင် လည်ပတ်နေခြင်းမဟုတ်ပဲ ပြည်တွင်းသို့ အမှန်တကယ် ဝင်ရောက်လာစေရန်အတွက် သက်ဆိုင်ရာ ကုမ္ပဏီအား ၆ လ အတွင်း ငွေလွှဲယူမှု ရှိမရှိ စစ်ဆေး၍ မရှိက အရေးယူရန်

၎။ နိုင်ငံတကာ ဖွံ့ဖြိုးတိုးတက်မှု အဖွဲ့အစည်းများ (ကမ္ဘာ့ဘဏ်၊ အာရှဖွံ့ဖြိုးရေးဘဏ်၊ JICA စသည်ဖြင့်) မှ ပေးအပ်ရန် ကတိပြုထားသည့် ကူညီထောက်ပံ့ငွေပေါင်း အမေရိကန်ဒေါ်လာ (၄) ဘီလီယံကျော် အား လျှင်မြန် ထိရောက်စွာ ရရှိနိုင်ရန် နိုင်ငံတော် အစိုးရမှ ညှိုနှိုင်းကူညီရန်

ကျပ်ငွေ ဝယ်လိုအားမြှင့်တင်ရေး အကြံပြုချက်
---------------------------
၁။ ဝန်ဆောင်မှုလုပ်ငန်းများနှင့် ကုန်ထုတ်လုပ်ငန်းများ၏ ငွေလွှဲပေးချေမှုတွင် ကျပ်ငွေကိုသာ အသုံးပြုရေး မူဝါဒများ ချမှတ်ရန် (ဥပမာ - ဟိုတယ်နှင့် စားသောက်ကုန်လုပ်ငန်း၊ လေကြောင်းခရီးစဉ်၊ အကြံပေးဝန်ဆောင်မှု၊ လူသုံးကုန်ထုတ်လုပ်ငန်းနှင့် လစာများပေးချေခြင်း များတွင်)

၂။ အကြွေးဝယ်ကဒ် (Credit Card) များ အသုံးပြု၍ ကျပ်ငွေလွှဲပြောင်းမှုများ တိုးမြင့်လာစေရေး အစိုးရမှ တွန်းအားပေးရန်

ပို့ကုန်-သွင်းကုန် ဆိုင်ရာ အကြံပြုချက်
-----------------------
၁။ လက်ရှိတွင် နိုင်ငံခြားမှ တင်သွင်းမှု အများဆုံးဖြစ်သော ကုန်ပစ္စည်းများကို လေ့လာပြီး၊ အရေးကြီး လိုအပ်မှုအပေါ် ဦးစားပေး သတ်မှတ်ကာ အချို့ကုန်ပစ္စည်းများ တင်သွင်းမှုကို လျှော့ချရန်

၂။ အချိ်န်တိုအတွင်း ပို့ကုန်မြှင့်တင်ရေးအတွက် နိုင်ငံတော်အစိုးရ၏ အစီအစဉ်ဖြစ်သည့် လက်ရှိ ကောက်ခံလျက်ရှိသည့် ကြိုတင်ဝင်ငွေခွန် ၂ ရာခိုင်နှုန်းအား ပယ်ဖျက်ပေးရန် မလိုအပ်ပါ။ အခွန် ၂ ရာခိုင်နှုန်း သည် လုပ်ငန်းရှင်များ ဝန်ပိစေခြင်းမရှိပါ။ အမည်ခံကုမ္ပဏီများ ထွက်ပေါ်လာပြီး ဈေးကွက် မတည်မငြိမ်ဖြစ်စေပါသည်။

ရေရှည်ဆောင်ရွက်ရမည့် လုပ်ငန်းများ အကြံပြုချက်
-------------------------------
၁။ ပြည်တွင်းသို့ နိုင်ငံခြားငွေများ ပိုမိုများပြားစွာ ဝင်ရောက် စီးဆင်းစေမည့် နိုင်ငံခြားဘဏ်လုပ်ငန်းများ ပြည်တွင်း၌ လုပ်ကိုင်ခွင့်ရရှိစေရန်

၂။ ပြည်တွင်းထုတ်ကုန် မြင့်မားလာစေရန်နှင့် ပြည်ပပို့ကုန်တိုးမြှင့်နိုင်ရေးအတွက် အဓိကကျသော တန်ဖိုးမြှင့်ထုတ်ကုန်လုပ်ငန်းများ၊ စိုက်ပျိုးရေးကဏ္ဍအပြင် Supply Chain တစ်ခုလုံးရှိ Supporting Industries များကိုပါ အားပေးထောက်ပံ့သွားရန်
အထက်ပါ လုပ်ငန်းများအား စီမံကိန်းနှင့် ဘဏ္ဍာရေးဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန နှင့် မြန်မာနိုင်ငံတော် ဗဟိုဘဏ်တို့ ပူးပေါင်း၍ မဟာဗျူဟာ နည်းဗျူဟာများ ချမှတ်ကာ ရေတိုရေရှည် စီမံကိန်းများဖြင့် ဆောင်ရွက်သင့်ပါကြောင်း အကြံပြုထားပါသည်။

ကုန်သည်စက်မှုအသင်းချုပ်မှ ဆက်လက်ဆောင်ရွက်မည့် ရှေ့လုပ်ငန်းစဉ်
-----------------------------------------------

နိုင်ငံခြားငွေ လဲလှယ်နှုန်းများ တည်ငြိမ်လာစေရေးအတွက် ပုဂ္ဂလိကကဏ္ဍမှ ပိုမို ကျယ်ပြန့်၍ ပိုမိုထိရောက်သော မူဝါဒပိုင်းဆိုင်ရာ အကြံပြုချက်၊ တိုက်တွန်းချက်များဖြင့် နိုင်ငံတော်အစိုးရအား ပံ့ပိုးနိုင်ရန် မြန်မာ့ စီးပွားရေးကဏ္ဍ အားလုံးမှ အသင်းအဖွဲ့များ၊ ကိုယ်စားလှယ်များ၊ လုပ်ငန်းရှင်များ ပါဝင်သော
အလုပ်ရုံဆွေးနွေးပွဲ တစ်ရပ်ကို မကြာမီ ကျင်းပသွားမည်ဖြစ်ပါသည်။

ကုန်သည်စက်မှုအသင်းချုပ်မှ ဦးဆောင်ကာ ကမ္ဘာ့ဈေးကွက်အတွင်း မြန်မာ့ထုတ်ကုန်များ ခိုင်မာစွာ ရပ်တည်နိုင်ရေးအတွက် တိုးချဲ့ကူညီဆောင်ရွက်သွားမည် ဖြစ်ပါသည်။

Credit To >>> 

Union of Myanmar Federation of Chambers of Commerce and Industry