ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် မြန်မာနိုင်ငံ ဆရာဝန်အသင်း ဗဟိုအလုပ်အမှုဆောင် အဖွဲ့ဝင်များ ကျန်းမာရေး ကဏ္ဍရှိ လိုအပ်ချက်များကို တွေ့ဆုံဆွေးနွေး

 ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် မြန်မာနိုင်ငံ ဆရာဝန်အသင်း အမှုဆောင်များ တွေ့ဆုံကြစဉ်

ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် မြန်မာနိုင်ငံ ဆရာဝန်အသင်း ဗဟိုအလုပ်အမှုဆောင် အဖွဲ့ဝင်များသည် ဇူလိုင် ၇ ရက်၊ နံနက်ပိုင်းက ရန်ကုန်မြို့ရှိ မြန်မာနိုင်ငံ ဆရာဝန်အသင်း (ဗဟို)၊ ခန်းမဆောင် (ဗ)တွင် တွေ့ဆုံ၍ ကျန်းမာရေးကဏ္ဍနှင့် ပတ်သက်သည့် လိုအပ်ချက်များကို အပြန်အလှန် ဆွေးနွေးမှုများ ပြုလုပ်ခဲ့ကြောင်း သိရသည်။

ကျန်းမာရေးကဏ္ဍနှင့် ပတ်သက်၍ တင်ပြရာတွင် လက်ရှိမြန်မာနိုင်ငံ၌ ကျန်းမာရေးနှင့် မညီညွတ်သော အစားအစာများ၊ နေထိုင်စားသောက်မှု ပုံစံများကြောင့်မကူးစက်တတ် သည့် ရောဂါ များ ဖြစ်ပွားနှုန်း မြင့်တက်လျက်ရှိကြောင်း၊ ယင်းရောဂါများကို ကာကွယ်တားဆီးရေး လုပ်ငန်းများ ပိုမိုလုပ်ဆောင်ရန် လိုအပ်လာပါကြောင်း၊ ကင်ဆာဖြစ်ပွားမှု အများဆုံး နိုင်ငံများအနက် မြန်မာနိုင်ငံသည် နံပါတ် ၂ နေရာတွင် ရပ်တည်နေပြီး ကျန်းမာရေး ကဏ္ဍတွင်လည်း ကင်ဆာပြဿနာသည်လည်း အထူးဂရုပြုရမည့် အချက်တစ်ခု ဖြစ်လာပါကြောင်း၊ ကင်ဆာရောဂါ လူနာများ ပိုမိုများပြားလာသည့်နည်းတူ ကင်ဆာဝေဒနာကို ကုသရာတွင် အသုံးပြုရသည့် ဓာတ်ရောင်ခြည် စက်များကိုလည်း နိုင်ငံတော် အနေဖြင့် ပြည်သူ့ဆေးရုံကြီးများတွင် ဖြည့်ဆည်းပေးရန် လိုအပ်လာပါကြောင်း ပြောကြားခဲ့သည်။

ထို့ပြင် နယ်မြို့များတွင် တာဝန်ထမ်းဆောင်နေသည့် ကျန်းမာရေး ၀န်ထမ်းများအတွက် ၀န်ထမ်းအိမ်ရာများ ဆောက်လုပ်ပေးစေ လိုပါကြောင်း၊ ပြည်တွင်း၌ ကျန်းမာရေး ဆေးကုသစရိတ် ကြီးမြင့်နေသည့်အတွက် ကျန်းမာရေး အာမခံစနစ်ကိုလည်း အကောင်အထည်ဖော် ဆောင်ရွက်ပေးစေ လိုပါကြောင်း၊ ဆေးတက္ကသိုလ်များကိုလည်း အဆင့်မြှင့်တင်ပေးပြီး ဆေးကျောင်းများ၌ အဆင့်မြင့် သုတေသန ဓာတ်ခွဲခန်းများကိုလည်း ဖြည့်တင်းပေးရန် လိုပါကြောင်းနှင့် ပြည်တွင်းသို့ ဆေးဝါးအတုများ နယ်စပ်ဒေသများမှ အများအပြား ၀င်ရောက်မှုများ ရှိနေသည့်အတွက် တင်းတင်း ကြပ် ကြပ် ဆောင် ရွက်ပေးစေ လိုပါကြောင်း ပြောကြားခဲ့သည်။

မြို့နယ်အချို့တွင် ပုဂ္ဂလိက ဆေးရုံဆေးခန်းများ လက်ရှိအများအပြား ဖွင့်လှစ်လာပြီး အချို့ဆေးရုံ ဆေးခန်းများမှာ ငွေကြေးမြောက်မြားစွာယူ၍ အတု အယောင် ဆေးကု သခြင်းများ ပြုလုပ်နေကြောင်း၊ ယင်းလုပ်ငန်းများ ပေါ်ထွက်လာရခြင်းမှာ ဥပဒေတွင် အားနည်းချက်များ ရှိနေခြင်းကြောင့်ဖြစ်ကြောင်း၊ ဆေးကောင်စီ ဥပဒေ၊ ဆေးဝါးဥပဒေနှင့် ပုဂ္ဂလိက ဆေးရုံဆေးခန်း ဥပဒေများကို ပြင်ဆင်ဖြည့်စွက်ရေးသား သင့်ပါကြောင်း၊ ကျန်းမာရေးကဏ္ဍနှင့် ပတ်သက်၍ ဆက်စပ်ထုတ်ပြန်ထားသည့် ဥပဒေများ၊ နည်းဥပဒေများ၊ အမိန့်ကြော်ငြာစာများ၊ ထုတ်ပြန်ညွှန်ကြားချက်များ ရှိပြီးသော်လည်း အရေးယူမှု အပိုင်းတွင် အားနည်းချက် ရှိနေကြောင်း စသည့်အကြောင်းအရာများကို တက်ရောက်လာသည့် ပါမောက္ခ ဆရာဝန်ကြီးများက တင်ပြဆွေးနွေးခဲ့ကြသည်။

ထို့နောက် ပြည်သူ့လွှတ်တော်ဥက္ကဋ္ဌ သူရဦးရွှေမန်းက ကျန်းမာရေး ၀န်ကြီးဌာနနှင့် သက်ဆိုင်ရာ ၀န်ကြီးဌာနအသီးသီး အောက်တွင်ရှိသည့် ဌာနများမှ လက်ရှိအခြေအနေနဲ့ ကိုက်ညီသည့် ဖွဲ့စည်းပုံ ပြန်လည်သုံးသပ် ရေးဆွဲရန် လိုအပ်နေပြီဟု ယူဆပါကြောင်း၊ ဥပဒေပါ အချက်အလက်များကို လိုက်နာမှု မရှိသူများကို တိတိကျကျ အရေးယူ ဆောင်ရွက်ရန်လည်း လိုအပ်ပါကြောင်း၊ ယနေ့ပြောကြားချက်များအရ ကျန်းမာရေးကဏ္ဍတွင် ငွေကြေးပိုင်းဆိုင်ရာ လိုအပ်ချက် များစွာရှိနေပါကြောင်း၊ လိုအပ်နေသည့် ငွေကြေး၊ ကျန်းမာရေး အထောက်အကူပြု ပစ္စည်းများကို လွှတ်တော်သို့ တင်ပြရန် လိုပါကြောင်း၊ ပြည်သူ့ဆေးရုံကြီးများတွင် လိုအပ်နေသည့် အထွေထွေ ကိစ္စရပ်များကို ကျန်းမာရေး ဦးစီးဌာန၊ အစိုးရ အဖွဲ့ဝင်များ၊ မြို့တော်ဝန်များ အနေဖြင့် သွားရောက်စစ်ဆေး ပေးစေလိုပါကြောင်း ပြန်လည်ဆွေးနွေး ပြောကြားခဲ့သည်။

Ref: first-11