ဗင်နီဇွဲလားနိုင်ငံ ကာရာကက်စ်မြို့ အရှေ့ပိုင်း လူကုန်ထံရပ်ကွက်မှာ အစိုးရ ကို နုတ်ထွက်ပေးဖို့ တောင်းဆိုနေတဲ့ ဆန္ဒပြသမားတွေနဲ့ လုံခြုံရေး တပ်တွေအကြားမှာ ထိပ်တိုက် တွေ့နေတုန်းပါပဲ။
လွန်ခဲ့တဲ့ ၂ ပတ်အတွင်း မြင်နေရတဲ့ ပုံစံအတိုင်းပဲ ဆန္ဒပြသမားတွေက ခြောက်လမ်းသွား အဝေးပြေးလမ်းကို ပိတ်ဖို့ ကြိုးစားတာကို လုံခြုံရေးတပ်တွေက မျက်ရည်ယိုဗုံးတွေ သုံးပြီး တားဆီး လူစုခွဲခဲ့ပါတယ်။
တိုင်းပြည်ထဲမှာ ငွေကြေးဖောင်းပွမှု၊ အခြေခံ စားသောက်ကုန်တွေ ပြတ်လပ်မှုနဲ့ အတိုက်အခံတွေကို အစိုးရက နှိပ်ကွပ်တာ၊ ရာဇ၀တ်မှုတွေ တိုးပွားလာနေတာကို မကျေနပ်လို့ ကျောင်းသားတွေ ဦးဆောင်တဲ့ ဆန္ဒပြပွဲတွေ ပေါ်ပေါက်ခဲ့ပြီး လုံခြုံရေးတပ်တွေ ထိပ်တိုက်တွေ့မှုအတွင်း အခုအထိ လူ ၅၀ ကျော်သေဆုံးခဲ့ပြီး ဖြစ်ပါတယ်။
လူပေါင်း ၁၅၀ လည်း ဒဏ်ရာရခဲ့ပြီး ၅၀၀ ကျော်ကို ဖမ်းဆီး ထိန်းသိမ်းခဲ့ရတယ်လို့ အစိုးရ အာဏာပိုင်တွေက ပြောပါတယ်။
DVB
0 comments:
Post a Comment