ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် ဆွစ်ဇာလန်နိုင်ငံအခြေစိုက် သဘာဝအတွက် ကမ္ဘာလုံးဆိုင်ရာ ရန်ပုံငွေအဖွဲ့၏ ဗြိတိန်နိုင်ငံရုံးခွဲမှ ဂုဏ်ထူးဆောင်သံအမတ်မစ္စ ဂေလ်ဒါ နာဗီ ဒီ- ဝေါလ်ကာ ဦးဆောင်သော ကိုယ်စားလှယ်အဖွဲ့အား ယနေ့ညနေ ၄ နာရီခွဲတွင် နိုင်ငံတော် သမ္မတအိမ်တော်ရှိ ဧည့်ခန်းမဆောင်၌ လက်ခံတွေ့ဆုံသည်။
အဆိုပါ တွေ့ဆုံပွဲသို့ ပြည်ထောင်စုဝန်ကြီး ဦးဝဏ္ဏမောင်လွင်၊ ဦးစိုးသိန်း၊ ဦးဝင်းထွန်း၊ ဒုတိယဝန်ကြီး ဒေါက်တာလင်းအောင်နှင့် တာဝန်ရှိသူများ တက်ရောက်ကြသည်။
ယင်းသို့ တွေ့ဆုံစဉ် မြန်မာနိုင်ငံ၌ ကုလသမဂ္ဂက ပညာပေးဆောင်ရွက်နေသော အစိမ်းရောင်စီးပွားရေး ဖြစ်မြောက်အောင်မြင်ရေးအတွက် ကြိုးပမ်းဆောင်ရွက်လျက်ရှိမှု၊ ဇီဝမျိုးစုံမျိုးကွဲများ ထိန်းသိမ်းရေး၊ သားရဲတိရစ္ဆာန်များ ထိန်းသိမ်းရေးအတွက် တတ်စွမ်းသရွေ့ ဆောင်ရွက်လျက်ရှိသော်လည်း နည်းပညာနှင့် ငွေကြေးလိုအပ်ချက်ရှိမှု၊ သဘာဝအတွက် ကမ္ဘာလုံးဆိုင်ရာ ရန်ပုံငွေအဖွဲ့အနေဖြင့် မြန်မာနိုင်ငံနှင့် နီးကပ်စွာ ပူးပေါင်းဆောင်ရွက်လိုမှု၊ ၎င်းအဖွဲ့နှင့် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနတို့ နားလည်မှု စာချွန်လွှာလက်မှတ်ရေးထိုးလိုမှုတို့နှင့် စပ်လျဉ်း၍ ဆွေးနွေးခဲ့ကြသည်။
(သတင်းစဉ်)
The Mirror Daily
0 comments:
Post a Comment