ပဲခူးမြစ်ကူးဘေလီတံတားအား သဲစုပ်စက်လှေဝင်တိုက်

ဩဂုတ် ၂၂ ရက် နံနက်ပိုင်းက ပဲခူးမြို့နယ် ဇိုင်းဂနိုင်း မြောက်ပိုင်း မဲခုံအုတ်ကျင်း တွင် ကျောက်ချ ရပ် နားထားသော ဦးကုလား တောင်ဒဂုံ မြို့နယ် ရန်ကုန်တိုင်းဒေသကြီးနေ ပိုင်ဆိုင်သော သဲစုပ်စက်လှေပေါ်တွင် ကင်းပိုင်ချုံကျေးရွာနေ စက်လှေ လုပ်သား မင်းမင်းအောင်သည်
စက်လှေပေါ်တွင် ညအိပ်စောင့်နေစဉ် ကျောက်ကြိုးပြတ်၍ မျောပါလာပြီး ပဲခူးမြို့ရှိ ညောင်ဝိုင်း ရပ်ကွက်နှင့် ဘူတာလမ်းမကြီးနှင့် ဆက်သွယ် ထားသော ဘေလီသံတံတားနှင့် တိုက်မိပြီး ကန့်လန့်ခံရပ်တန့် နေသည့်အတွက် ရေစီးအရှိန်ကြောင့် ဘေလီတံတားပျက်စီးမှုမရှိစေရန် ပဲခူးမြို့အမှတ် (၂)ရဲစခန်းမှ စခန်းမှူး ရဲအုပ်စိန်လွင်နှင့် တပ်ဖွဲ့ဝင်များ၊ စည်ပင်သာယာရေး အဖွဲ့ဝင်များ ပူးပေါင်း၍ သဲစုပ်စက်လှေအား တံ တားမှခွာပြီး တံတားပျက်စီးမှု မရှိအောင် စီစဉ်ဆောင်ရွက်နေ ကြောင်း သိရသည်။

သတင်းနှင့်စာနယ်ဇင်းလုပ်ငန်း