ကြားရှိ ကျောချောင်းတွင် တောင်ကျရေများ ဆက်လက်ကျဆင်း နေမှုကြောင့် လမ်းပန်းဆက်သွယ်မှု ပြတ်တောက်ကာ ခရီးသည်နှင့် ကုန်စည်များအား လှေ၊ လှည်းတို့ဖြင့်တစ်ဆင့် သယ်ဆောင်နေရ၍ ချင်းပြည်နယ် တောင်ပိုင်းနှင့် ယောဒေသအတွင်း ကုန်ဈေးနှုန်းများ မြင့်တက်ခဲ့ကြောင်း သိရသည်။
ပခုက္ကူနှင့် ပေါက်မြို့အကြား ဆက်သွယ်ထားသည့် မော်တော်ကားလမ်းပေါ်ရှိ ကျောချောင်းနှင့် ယောချောင်းတို့တွင် ယခုလ ဒုတိယပတ်မှစ၍ တောင်ကျရေ ကျဆင်းမှု များပြားခြင်းကြောင့် မော်တော်ယာဉ်များ ဖြတ်ကူးနိုင်ခြင်း မရှိဘဲ ၅ ရက်ခန့် လမ်းပန်းဆက်သွယ်မှု ပြတ်တောက်ခဲ့သည်။
ယခုလ တတိယပတ်တွင်လည်း တောင်ကျရေ ဆက်လက်စီးဆင်း နေသည့်အတွက် ယာဉ်များဖြတ်ကူးနိုင်ခြင်း မရှိသေးဘဲ ခရီးသည်နှင့် ကုန်စည်များအား ချောင်းရေနည်းပါးချိန်တွင် လှေ၊ လှည်းများဖြင့် တစ်ဆင့်သယ်ဆောင်နေရပြီး ဒေသတွင်း ကုန်ဈေးနှုန်း ကြီးမြင့်ခြင်း၊ သွားလာရေး ခက်ခဲခြင်းများ ကြုံတွေ့နေရကြောင်း မော်တော်ယာဉ်မောင်းများနှင့် ခရီးသည်များ၏ ပြောကြားချက်အရ သိရသည်။
"ချောင်းရေကျလို့ ကားတွေကူးမရတာ တစ်ပတ်လောက် ရှိပြီ။ ရေများလို့ လှေရောလှည်းရော ကူးမရဘူး။ မနေ့ကမှ (၂၀ ရက်) လှေတွေလှည်းတွေ ကူးလို့ရတယ်။ လှည်းတစ်ခေါက် ဆန်အိတ် ၁၅ အိတ်ကို ကျပ် ၅၀၀၀ ယူတယ်။ ဆီပီပါဆိုရင် နှစ်ပီပါပဲ နိုင်တယ်" ဟု ကျောချောင်းအတွင်း လှည်းဖြင့်ကုန်စည် သယ်ယူပို့ဆောင် ပေးနေသူ ကိုဌေးလှိုင်က ပြောကြားသည်။
"ဒီနေ့မှ ခရီးသည်တင်ကားတွေ စထွက်တယ်။ ချောင်းရေနည်းရင် ပေါက်မြို့ပေါ်ထိ ကားရောက်တယ်။ အခုချောင်းရေက များနေသေးလို့ ကမ်းမဖြူဆိပ်ထိပဲ ကားတွေရောက်တယ်။ လူကတော့ လှည်းတို့လှေတို့နဲ့ ဖြတ်ရတယ်။ ကားခအပြင် ချောင်းကူးတဲ့လှေခ၊ နောက်မြို့ထဲသွားဖို့ ဆိုင်ကယ်ကယ်ရီခတွေပါ တက်ကုန်တယ်" ဟု ပေါက်မြို့သို့ လစဉ်ဈေးရောင်း သွားနေသူ မသိမ့်သိမ့်အေးက ပြောကြားသည်။
"ကားတွေက ချောင်းကူးလို့ မရတော့ မန္တလး၊ ပခုက္ကူဘက်ကမှာတဲ့ ပစ္စည်းတွေကို ကမ်းမဖြူဆိပ်ကနေ ပေါက်မြို့ထဲကို ကိုယ့်ဟာကိုယ် သယ်ရတယ်။ ရေများလို့ လှေနဲ့သယ်ရရင် လှေခ၊ အလုပ်သမားခ၊ လှည်းခတွေ တအားတက်လာတယ်။ အရင်က ပုံးတစ်ပုံး ကျပ် ၇၀၀။ ရေများရင် သုံးဆင့်သယ်ရတယ်။ ရေနည်းရင် နှစ်ဆင့်သယ်ရတယ်။ သယ်ယူစရိတ်ကိုက နှစ်ဆ၊ သုံးဆလောက် တက်သွားတော့ ပစ္စည်းဈေးတွေလည်း တက်ရောင်းရတယ်" ဟု ပေါက်မြို့ခံ ဆေးရောင်းဝယ်ရေး လုပ်ကိုင်သူ ကိုဇော်လင်းဦးက ပြောကြားသည်။
ပခုက္ကူမှ ပေါက်မြို့၊ ယောဒေသ၊ ချင်းပြည်နယ် တောင်းပိုင်းတို့သို့ သွားရာလမ်းတွင် ယခင်ကကျောချောင်း၊ ယောချောင်းအတွင်းရှိ ရေပြာတံတားနှင့် အုန်းတောတံတားတို့မှ သွားလာကြပြီး ၂၀၁၁ ခုနှစ် အောက်တိုဘာလအတွင်း ဖြစ်ပေါ်ခဲ့သော မကွေးတိုင်းဒေသကြီးအတွင်း ချောင်းရေကြီးမှုတွင် အဆိုပါတံတား နှစ်စီးလုံး မျောပါပျက်စီး ခဲ့ခြင်းကြောင့် လမ်းပန်းဆက်သွယ်မှု ဆိုးရွားလျက် ရှိနေသည်။ အဆိုပါ ဒေသတွင် ပြီးခဲ့သော ၂၀၁၂ ခုနှစ် စက်တင်ဘာ လဆန်းပိုင်းကလည်း ကျောချောင်းရေကြီးချိန်တွင် ဖြတ်ကူးသော ကူးတို့လှေတစ်စီး တိမ်းမှောက်ခဲ့သည့်အတွက် ခရီးသည် ၁၃ ဦး သေဆုံးခဲ့ကြောင်း သိရသည်။
Eleven Media Group
0 comments:
Post a Comment