ပိုလန်နိုင်ငံထဲက ခေါင်ဖျားတဲ့ လေယာဉ်ကွင်းနားမှာရှိတဲ့ CIA အကျဉ်းစခန်းဆီမှာ စစ်ကြောဖို့ ၂၀၀၂ ခုနှစ်က ခေါ်သွားခံရတယ်လို့ပြောတဲ့ ဆော်ဒီ အာရေးဗျက Abd al-Rahim al-Nashiri နဲ့ ပါလက်စတိုင်းမှာမွေးတဲ့ Abu Zubaydah တို့နဲ့ ပတ်သက်နေတဲ့ အမှုကို ပြင်သစ်နိုင်ငံ Strasbourg မြို့ တရားရုံးမှာ ကြားနာ စစ်ဆေးနေတာ ဖြစ်ပါတယ်။
သူတို့ ၂ ယောက်ကို လပေါင်း တော်တော်ကြာကြာ အဲဒီမှာ စစ်ဆေးမေးမြန်းခဲ့ပြီး စစ်ကြောရာမှာ သုံးတဲ့နည်းတွေဟာ နှိပ်စက်မှု မြောက်တယ်လို့ သူတို့ရှေ့နေတွေက ပြောပါတယ်။ သူတို့ ၂ ယောက်ကတော့ လောလောဆယ် Guantanamo ပင်လယ်အော်က အမေရိကန် စစ်အကျဉ်းစခန်းမှာ အဖမ်းခံထားရပါတယ်။
ပိုလန်အစိုးရက သူတို့ပိုင်နက်ထဲမှာ CIA လျှို့ဝှက်အကျဉ်းစခန်းတွေ မရှိပါဘူးလို့ အရင်က ငြင်းဆန်ခဲ့ပါတယ်။ စွပ်စွဲမှုတွေနဲ့ပတ်သက်လို့ ပိုလန်မှာလုပ်နေတဲ့ စုံစမ်းစစ်ဆေးမှုတွေကလည်း ၅ နှစ်ကြာနေပြီး အဖြေ တစုံတရာလည်း ထွက်မလာပါဘူး။ လူ့အခွင့်အရေး ချိုးဖောက်တယ်ဆိုတဲ့ အမှုကို EU တရားရုံးမတင်ခင် စုံစမ်းစစ်ဆေးမှုတွေကို အပြီးသတ်ဖို့ ခွင့်ပြုသင့်တယ်လို့ ပိုလန်အစိုးရက ပြောပါတယ်။
Extraordinary Rendition လို့ပြောနေတဲ့ အကြမ်းဖက်သမားတွေကို စစ်ဆေးဖို့ အမေရိကန်ပြည်ထောင်စုအပြင်မှာ CIA လျှို့ဝှက်အကျဉ်းစခန်းတွေ ဖွင့်ခွင့်ပေးခဲ့တယ်လို့ ပိုလန်နိုင်ငံအပါအဝင် ဥရောပသမဂ္ဂအဖွဲ့ဝင် နိုင်ငံတချို့ စွပ်စွဲခံထားရပါတယ်။
VOA
0 comments:
Post a Comment