8.3.14

မိုးထိမိုးမိ မိသားစု ၁၆ ဦး ဖမ်းဆီးခံနေရဆဲ


မတ်လ ၄ ရက်နေ့က ရွှေမြင်တင်ဘုရားစောင်းတန်းကနေ အဖမ်းခံလိုက်ရတဲ့ ရမည်းသင်းခရိုင် မိုးထိမိုးမိရွှေလုပ်သားနဲ့ မိသားစုဝင်အယောက် ၄၀ ကျော်မှာ ၁၆ ယောက်က ရမည်းသင်းထောင်မှာ ကျန်ရှိနေသေးပြီး၊ ကျန်တဲ့သူတွေကိုတော့ လူကြီးတစ်ယောက် ၅ သိန်း၊ ကလေးတစ်ယောက် ၅ သောင်းနှုန်း ကုမ္ပဏီကပေးပြီး သူတို့ဇာတိဒေသတွေဆီ အာဏာပိုင်တွေက ပြန်ပို့လိုက်တယ်လို့ သိရပါတယ်။


မိုးထိမိုးမိရွှေနယ်မြေမှာ အမျိုးသားကြီးပွားတိုးတက်ရေး ကုမ္ပဏီက မောင်းထုတ်လို့  မူလလုပ်ကိုင်စားသောက်နေသူတွေ နေထိုင်လုပ်ကိုင်ခွင့်ပျောက်ပြီး တောင်ခြေက ရွှေမြင်တင်ဘုရားစောင်းတန်းမှာ ၄ လကျော် ခိုလှုံနေခဲ့ရာမှာ ကလေး၊ လူကြီး၊ အမျိုးသမီးအယောက် ၄၀ ကျော်ကို အာဏာပိုင်တွေက ဖမ်းပြီး ရမည်းသင်းထောင်ကို ပို့ထားတဲ့ကိစ္စဖြစ်ပါတယ်။

ရမည်းသင်းထောင်ထဲမှာ ကျန်နေသေးတဲ့သူတွေအတွက်ကိုလည်း ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ ချုပ်၊ ရန်ကုန်ပြည်သူ့အကျိုးတော်ဆောင်ကွန်ရက်နဲ့  လူမှုရေးနိုင်ငံရေးဆောင်ရွက်ပေးတဲ့ ရှေ့နေတွေက ဆက်လက်ကူညီကြမယ်လို့ သိရပါတယ်။


RFA Burmese

0 comments:

Post a Comment