သန်မာတိုင်း ကိုယ်လက်နာကျင် သက်သာရာရသည် မဟုတ်။ နေတတ်မှ ကိုယ်လက် နာကျင်သက်သာရာ ရသည်။ နာတာကျင်တာ သက်သာ ရာရစေမည့် လက်တွေ့ ကျပြီး ထိရောက်သော နည်းလေးများကို အကြံပြု တင်ပြ ပါမည်။ ထူးထူး ထွေထွေ ထိခိုက်မိခြင်း မရှိပါဘဲ အလိုလိုနေရင်း မကြာ မကြာ ကိုယ်လက်နာတတ်သူများ အတွက်များစွာ အသုံးတည့်မည် ဖြစ်သည်။
များများလေး ရယ်။
ရယ်မောခြင်းသည် ကိုယ်လက် ကိုက်ခဲနာကျင်မှု အတွက် တိုက်ရိုက် သောက်ဆေးတော့ မဟုတ်။ သို့သော်ဆေးနှင့် အလားတူ အကျိုးကား ရှိသည်။ စိတ်ဖိစီးမှုကို ကျစေသည်။ ကယ်လိုရီ လောင်ကျွမ်းအား ကောင်းစေသည်။ စိတ်ပျိုသဖြင့် ကိုယ်နုစေသည်။ ရယ်မောခြင်းကြောင့် စိတ်ပျော်ရာမှ တစ်ဆင့် ဦးနှောက်က အန်ဒိုဖင်းဓာတ် ထွက်သည်။ အန်ဒိုဖင်းသည် ကိုယ်လက်နာကျင် ကိုက်ခဲမှုကို သက်သာစေသော လူ့သဘာဝ ပစ္စည်းလည်း ဖြစ်သည်။
ဆေးလိပ်တော့ဖြတ်။
လူတိုင်း ကျောအောင့်ခါးနာ ဖြစ်တတ်ကြသည်။ သို့သော် ဆေးလိပ် သောက်သူများက ပိုဖြစ်တတ်သည်ဟု လေ့လာမှု စစ်တမ်းများက ထောက်ပြ နေသည်။ ဆေးလိပ်သောက်ခြင်းသည် အရိုးအဆစ်များ အကြားက အခုအခံ ချပ်ပြားလေးများကို ပျက်စီးစေသလို အရိုးအဆစ်များ ကြားက အဆီဓာတ်ကို လည်းခန်းခြောက်စေ သဖြင့် ဆေးလိပ် သောက်သူများသည် မသောက်သူများထက် ကိုယ်လက် နာကျင်ကိုက်ခဲမှု ပိုဖြစ်တတ်သည်။
စိတ်ဖိစီးမှုကို ခပ်လှမ်းလှမ်းမှာ ထား။
စိတ်ဖိစီးသည့်အခါ ခန္ဓာကိုယ်က ဘာလုပ်သနည်း၊ နှလုံး တဒုတ်ဒုတ်ခုန် လာသည်၊ အသက်ရှူ မြန်လာသည်။ ကြွက်သားတွေ တောင့်တင်း လာသည်။ တစ်ခုခုနဲ့ ထိခိုက်မိလို့ ခန္ဓာကိုယ်က တုံ့ပြန်ပုံနှင့် တစ်ထပ်တည်းဖြစ်သည်။ ဒါဆို စိတ်ဖိစီးမှုသည် လူကို တစ်ကယ် ဒဏ်ရာရစေခြင်းနှင့် ထပ်တူ ဖြစ်နေသည်။ သို့ဖြစ်ရာ စိတ်ဖိစီးမှုကို ခပ်လှမ်းလှမ်းမှာ ထားနိုင်ဖို့ လိုသည်။ စိတ်ဖိစီးသည့် အခါ သွေးထဲမှာ ကော်တီဇုန်းဟော်မုန်း တိုးလာသည်။ ကော်တီဇုန်းသည် နာကျင်မှုကို ပိုဆိုးဝါး စေသည်။ စိတ်ဖိစီးမှု တိုက်ဖျက်ရေး နည်းလမ်းများစွာ ရှိသည်။ တရားထိုင်ခြင်း၊ စာဖတ်ခြင်း၊ လမ်းလျှောက် ထွက်ခြင်း၊ တစ်ရေးအိပ်ခြင်း စသည် တို့သည် လူတိုင်း အလွယ်တကူ ကျင့်သုံးနိုင်သော စိတ်ဖိစီးမှု လျှော့ချရေး နည်းလမ်းကောင်းများ ဖြစ်သည်။ မည်သည့်နည်းကိုပဲ အသုံးပြုသည် ဖြစ်စေ အဓိကမှာ စိတ်ဖိစီးမှု လျော့ပါးအောင် ဆောင်ရွက်ရေး ဖြစ်သည်။
အိပ်ရေးဝအောင်တော့အိပ်။
အိပ်စက်ခြင်းသည် မှတ်ဉာဏ်ကို ပိုကောင်းစေသည်၊ လူကို ပိုသွက်လက်ထက် မြက်စေသည်၊ ကျစ်လျစ်သွယ်လျအောင် အားပေးနိုင်သည်ဟု သုတေသနများက အတည်ပြုထားပြီး ဖြစ်သည်။ အိပ်စက်ခြင်း ကနောက်ထပ် အကျိုးပြုသည့် တစ်ချက်မှာ နာကျင်မှုကို သက်သာစေခြင်း ဖြစ်သည်။ လေ့လာ သုတေသနတစ်ခုတွင် ပါဝင်သူ တစ်စု ကိုနောက်တစ်စု ထက် နှစ်နာရီ ပိုအိပ်ခိုင်းသည်။ ထိုနှစ်စုကို အပူပစ္စည်းတစ်ခုကို လက်နဲ့ ဆုပ်ကိုင်ခိုင်းရာ အိပ်ရေးပိုဝသော အစုမှလူများသည် ကျန်အစုမှ လူများထက် အချိန် (၂၅) ရာခိုင်နှုန်း ပိုကြာကြာ ဆုပ်ကိုင်နိုင်ကြကြောင်း တွေ့ခဲ့ရသည်။
ချစ်ရသူတစ်ယောက် ရှိပါစေ။
ချစ်ရသူတစ်ယောက် ရှိခြင်းသည် ခန္ဓာကိုယ် ကျန်းမာရေး ရှုထောင့်မှ ကြည့်လျှင် စိတ်ဖိစီးမှုကို သက်သာစေသည်၊ ခန္ဓာကိုယ် ခုခံအားစနစ် ကို တက်စေသည်၊ လူသား၏ လိုအင်တစ်ခု ဖြစ်သော လိင်စိတ်ကို ထိန်းညှိပေးနိုင်သည်။ ထို့အပြင် ကိုယ်လက်နာကျင် ကိုက်ခဲမှုကိုလည်း သက်သာစေ သည်။ ၂၀၁၁ ခုနှစ်က ပြုလုပ်ထားသော လေ့လာမှု စစ်တမ်းတစ်ရပ်တွင် အမျိုးသမီး (၁၇) ဦး ပါဝင်ပြီး နှစ်လိုစွာ ချစ်ရသူရှိခြင်းနှင့် ကိုယ် လက်ကိုက်ခဲ နာကျင်မှု သက်သာခြင်းကြား ဆက်စပ်ချက်ကို လေ့လာထားသည်။ အမျိုးသမီးများကို နှစ်စု ခွဲသည်။ တစ်စုကို ကိုယ်လက်နာကျင် ကိုက်ခဲသည့် အချိန် များတွင် ချစ်သူ အမျိုးသား၏ ဓာတ်ပုံများ ပေးကြည့်သည်။ နောက်တစ်စုကို ပေးမကြည့်။ ထိုအခါ နာကျင်နှုန်းချင်းတူ လျှင်ပင် ချစ်သူ အမျိုးသား၏ ဓာတ်ပုံများ ကြည့်ခွင့်ရသော အမျိုးသမီးများသည် စိတ်ခွန်အားရရှိ ခြင်းကြောင့် နာကျင်မှု ဒဏ် ပိုခံနိုင်ရည် ရှိကြကြောင်း တွေ့ရသည်။ ဖြစ်စဉ်တွင် ဦးနှောက်၏ တုံ့ပြန်ပုံ ကိုပါ ထည့်သွင်း လေ့လာထားသည်။ ချစ်ရသူ၏ ဓာတ်ပုံများကို ကြည့်သည့် အခါ ဦးနှောက်အတွင်း လုံခြုံမှုကို ခံစားရသော နေရာ သည် တက်ကြွ လှုပ်ရှားလာသည်ကိုလည်း တွေ့ခဲ့ရသည်။ နောက်ထပ် တွေ့ရှိ ချက်ကား ချစ်သူနှင့် နှစ်ကြာကြာ ခိုင်မြဲစွာ လက်တွဲနိုင်လေ ချစ်သူ၏ ဓာတ်ပုံကို မြင်ရသည့် အခါလုံခြုံမှုကို ခံစားရသော နေရာသည် လှုပ်ရှား တက်ကြွမှု ပိုအားကောင်းလာကြောင်းလည်း သိရသည်။
Messenger News Journal
0 comments:
Post a Comment