လျှပ်စစ်ဓာတ်အားလိုအပ်ချက်ကို ဖြည့်ဆည်းပေးဖို့အတွက်၃၀၀ မဂ္ဂါဝပ် ဓာတ်အားပေးစက်တင်ဒါခေါ်ယူထားရာ
နှစ်စဉ်ဓာတ်အားလိုအပ်ချက်မှာ ယခင်တွက်ချက်မှုများအရ၃၀၀ မဂ္ဂါဝပ်လို့ ခန့်မှန်းခဲ့ပေမဲ့ လက်ရှိဓာတ်အားသုံးစွဲမှုအရ
၂၀၁၇ နွေရာသီမှာ ၄၅၀ မဂ္ဂါဝပ် ကျော် ရှိလာလိမ့်မယ်လို့ ခန့်မှန်းတွက်ချက်မှု ထွက်လာပါတယ်။
ဒါကြောင့် ယခင်တင်ဒါအောင်မြင်ပြီးခဲ့ပြီဖြစ်တဲ့ Consortium of National Infrastructure Holdings Co.,Ltd , MCM Pacific Pte.Ltd, APR Energy PLc , Ace Resources GroupPte.Ltd ကုမ္ပဏီအပြင် ဆန်ကာတင်ရွေးချယ်ခံခဲ့ရတဲ့
Karpower Asia ကို လျှပ်စစ်ဓာတ်အားလိုအပ်ချက်ထပ်မံဖြည့်ဆည်းနိုင်ရန်အတွက် ရွေးချယ်လိုက်တယ်လို့ ဆိုပါတယ်။
ကုမ္ပဏီ ၂ ခုအကြား ဓာတ်အားခဈေးနှုန်း တူညီအောင်ဆွေးနွေးညှိနှိုင်းသဘောတူညီမှု ရရှိခဲ့ပြီးဖြစ်တယ်လို့လည်းလျှပ်စစ်ဓာတ်အားထုတ်လုပ်ရေးလုပ်ငန်းရဲ့ ထုတ်ပြန်ချက်မှာဖော်ပြထားပါတယ်။
လျှပ်စစ်ဓာတ်အားထုတ်လုပ်ရေးလုပ်ငန်းကနိုင်ငံပိုင်သတင်းစာများကနေ ဇူလိုင် ၄ ရက်မှာ တင်ဒါခေါ်ယူခဲ့ခြင်းဖြစ်ပြီး သြဂုတ် ၁၈ ရက်မှာ တင်ဒါ ပိတ်ခဲ့ပါတယ်။ လျှပ်စစ်ဓာတ်အားပေးစက်များတင်ဒါလျှောက်လွှာကိုဝယ်ယူသော ကုမ္ပဏီ ၈၂ ခု ရှိခဲ့ပြီး တင်ဒါလာရောက်တင်သွင်းသူ ကုမ္ပဏီ ၆ ခု ရှိခဲ့ပါတယ်။
နည်းပညာပိုင်းဆိုင်ရာ အဆိုပြုချက်များနဲ့ ဘဏ္ဍာရေးအဆိုပြုချက်မျာကို စစ်ဆေးချက်အရ ကုမ္ပဏီ ၂ ကို ဆန်ကာတင်
ထပ်မံရွေးချယ်ခဲ့ပါတယ်။ အဆိုပါကုမ္ပဏီနှစ်ခုကConsortium of National Infrastructure Holdings Co.,Ltd , MCM Pacific Pte.Ltd, APR Energy PLc , Ace Resources Group Pte.Ltd နဲ့ Karpower Asia Pte.,Ltd တို့ဖြစ်ပါတယ်။ကုမ္ပဏီ ၂ ခုအနက် ဓာတ်အားခ ဈေးနှုန်း အနည်းဆုံးနဲ့ ၃၀၀ မဂ္ဂါဝပ် ထုတ်လုပ်ပေးနိုင်မယ့် Consortium of
National Infrastructure Holdings Co.,Ltd , MCMPacific Pte.Ltd, APR Energy PLc , Ace ResourcesGroup Pte.Ltd ကုမ္ပဏီ ကို ရွေးချယ်ကြောင်း အောက်တိုဘာအတွင်း ကြေညာခဲ့ပါတယ်။
မြန်မာနိုင်ငံရဲ့ လျှပ်စစ်ဓာတ်အားလိုအပ်ချက်မှာ နှစ်စဉ် ၁၅ ရာခိုင်နှုန်းခန့် တိုးတက်နေပြီး တစ်နှစ်ကို ခန့်မှန်းခြေ ၃၀၀ မဂ္ဂါဝပ်လိုအပ်လျက်ရှိတဲ့အတွက် လာမယ့်နှစ် မတ်၊ ဧပြီ၊ မေ၊ ဇွန်လများမှာလျှပ်စစ်ဓာတ်အားလိုအပ်ချက် ရှိလာမှာဖြစ်တဲ့အတွက်တင်ဒါခေါ်ယူမှုတွေကို ဆောင်ရွက်ခဲ့တာဖြစ်တယ်လို့ တင်ဒါခေါ်ယူစဉ်က လျှပ်စစ်ဓာတ်အားထုတ်လုပ်ရေးလုပ်ငန်းက တာဝန်ရှိသူတွေက ပြောကြားခဲ့ပါတယ်။
Credit To >>> SFJ Strategy First Journal
0 comments:
Post a Comment