မြန်မာနိုင်ငံနှင့် ဂျင်ဆင်းစိုက်ပျိုးထုတ်လုပ်ရေး

စာရေးသူ ပူတာအိုမြို့တွင် တာဝန်ထမ်းဆောင်နေစဉ်က မသေဆေးခေါ် မချစ်စု၊ ခန်းတောမြေခဲ၊ အရှေ့ခေါ် အဆိပ်ဖြေဆေးပင်၊ ရှီးပတီး၊ စုရှားစုစသော အဖိုးတန် ဆေး ဥ၊ဆေးမြစ်၊ ဆေးရွက်များ ထွက်ရှိသည်ကို တွေ့ရသလို ဂျင်ဆင်းမြစ်များလည်း ထွက်ရှိသည်ကို တွေ့ရပါသည်။ တရုတ်နယ်စပ် တောင်တန်းများတွင် သဘာဝအလျောက် ပေါက်ရောက်သည်များကို ရှာဖွေစုဆောင်း ရောင်းချပါသည်။ ပူတာအိုဈေး အတွင်း၌ အဆိုပါ ဆေးမြစ်၊ ဆေးဥ၊ ဆေးရွက်များ ရောင်းချသည်ကို တွေ့ရသလို ပျားရည်ပုလင်းတွင် မချစ်ဥ၊ ခန်းတောက်၊ မရှော၊ ရှီးပတီး၊ ခုရှာစု၊ ဂျင်းဆင်းမြစ်ပါအစုံစိမ်ထားသော ပျားရည်ပုလင်းများလည်း ပူတာအို လေဆိပ်၊ မြစ်ကြီးနား လေဆိပ်တို့တွင် ရောင်းချနေသည်ကို တွေ့ရပါသည်။ ဆေးမြစ်စုံ စိမ်ထားသော ပျားရည် တစ်ပုလင်းသည် သောင်းချီတန်ပါသည်။

ယနေ့မြန်မာ့ဆေးလောကတွင် ကိုရီးယားဂျင်ဆင်းသည် လူသိများသည်။ ကိုရီးယားဂျင်ဆင်းသည် မြန်မာပြည်တွင်သာမက ကမ္ဘာတွင်လည်း လူသိများထင်ရှားလှပါသည်။

ဂျင်ဆင်းဟူသည်
ကိုရီးယားဂျင်ဆင်းကို အင်္ဂလိပ် ဘာသာဖြင့် Ginseng ဟု ခေါ်သည်။ ရှေးဟောင်းကိုရီးယား ရိုးရာဆေးပင် တစ်မျိုးဖြစ်ပြီး အမြစ်မှာ လက်ရိုက် တင်းပုတ်နှင့် ခပ်ဆင်ဆင်တူကာ အရွက်မှာ အစိမ်းရောင် အရွက်ပြား ဖြစ်သည်။ ရုက္ခဗေဒ အခေါ်အားဖြင့် Araliaceae ဟု ခေါ်သည်။ တရုတ်တို့က ဂျင်ရှင်း -Jen Shen ဟုခေါ် ကြသည်။ Jen မှာ လူနှင့်တူသောဟု အဓိပ္ပယ်ရှိပြီး Shen မှာ The Constellation Orion ခေါ် မောင်ရင် ဆိုင်းထမ်းကြယ်စု သဏ္ဌာန်ရှိသည်ဟု ဆိုသည်။ အကြောင်းမှာ ဂျင်ဆင်း အမြစ်သည် ကောင်းကင်တွင် တွေ့ရသည့် မောင်ရင်ဆိုင်းထမ်း ကြယ်စု ကဲ့သို့ ခပ်စောင်းစောင်း၊ ခပ်စွေစွေ လဲလျောင်းနေသည့်ပုံစံဖြစ်နေခြင်းဖြစ် သည်။ ကိုရီးယားတို့ကမူ အင်ဆန်း Insam ဟုခေါ်ကြသည်။ နတ်ဆေး မြစ်ဟု တင်စားခေါ်ကြသည်။
ဂျင်ဆင်း၏ အစွမ်းသတ္တိ

ဂျင်ဆင်းသည် ကိုယ်ခန္ဓာ ကြံ့ခိုင်မှုကို အားပေးသည်။ အသည်း ရောဂါများကို သက်သာပျောက်ကင်း စေသည်။ အဆုတ်အားကောင်းသည်။ အရွယ်တင် နုပျိုစေသည်။ သွေးလှည့်ပတ်မှု ကောင်းသည်။ သွေးတိုးပျောက်ကင်းသည်။ အစာမကြေ ရင်ပြည့်ရင်ကယ်ဖြစ်ခြင်း၊ ဝမ်းဖောဝမ်းရောင်ခြင်းကို ပျောက်ကင်းစေသည်။ နောက်ဆုံး စမ်းသပ်စစ်ဆေး သုတေသန ပြုချက်အရ ကိုယ်ခံအား ကျဆင်းရောဂါ AIDS ရောဂါကို ဖြစ်စေ၊ HIV ဗိုင်းရပ်စ်ကိုဖြစ်စေ၊ သေစေနိုင်သည်ဟု ကိုရီးယား ဆေးကျမ်းများတွင် ဖော်ပြထားသည်။ အထူးသဖြင့် ဂျင်ဆင်းသည် စိတ်ဖိစီးမှုနှင့် မောပန်းနွမ်းနယ်မှုများကို ရေနွေးဖြင့် သောက်ပါက ချက်ချင်းပျောက်ကင်း စေနိုင်သည်။ သံ၊ သတ္တုဓာတ်များစွာ ပါဝင်သည်။

ကိုရီးယားနိုင်ငံသည် ကမ္ဘာပေါ်တွင် ဂျင်ဆင်းပေါက်ရန် အကောင်းဆုံး ရာသီဥတုရှိသည်။ ကိုရီးယားတို့သည် ထောင်စုနှစ် အတန်ကြာကတည်းက ဂျင်ဆင်းကို နတ်ဆေး တစ်ပါးပမာ ရိုးရာသက်စောင့် ဆေးအဖြစ် အသုံးပြုခဲ့ကြသည်။ ရှေးခေတ် ကိုရီးယား သမားတော်ကြီးများက နန်းတွင်းသူ၊ နန်းတွင်းသားများ၊ ဘုရင်၊ မိဖုရားများအတွက် အထူး ဆေးတော်ကြီး တစ်ရပ်အဖြစ် ကန့်သတ် အသုံးပြုခဲ့ကြသည်။ ရွှေနန်း သုံးသမားတော်တစ်ဦးပမာ အစွမ်း ထက်သည့်ဆေးတစ်ပါးအဖြစ် သတ် မှတ်ယုံကြည်ခဲ့ကြသည်။

သဘာဝ ပေါက်ပင်မှ စိုက်ပျိုးပင်သို့
ဂျင်ဆင်းသည် မူလက ကိုရီးယား တောင်တန်းများတွင် အလိုအလျောက် ပေါက်ရောက်သည့် သဘာဝ ဆေးဖက်ဝင် အပင်ဖြစ်သည်။ သို့သော် ကိုရီးယားတောင် သူများသည် လွန်ခဲ့သော နှစ်ပေါင်း ၁၆ဝဝခန့်မှစ၍ အစေ့စိုက်ပျိုးအောင် မြင်ခဲ့သည်။ ယခုအခါ ကိုရီးယားနိုင်ငံ တစ်နံတစ်လျားတွင် ဂျင်ဆင်းကို စီးပွားဖြစ် စိုက်ပျိုးကြသည်။ အစိုးရက အရည်အသွေးကို ကွပ်ကဲထိန်းချုပ်ကာ ဂျင်ဆင်းအရည်အသွေး ပြည့် မီရေး အစဉ်စမ်းသပ်သုတေသနပြု လုပ်လျက်ရှိသည်။ မြန်မာနိုင်ငံတွင်လည်း ကချင်ပြည်နယ်၊ ပူတာအိုဒေသ၌ သဘာဝအလျောက် ပေါက်ရောက်သော ဂျင်ဆင်းပင်များရှိနေ သည်မှာ စီးပွားဖြစ် စိုက်ပျိုးရေး အတွက် အခြေအနေပေးနေပါသည်။

ဂျင်ဆင်း စိုက်ပျိုးခြင်း
ဂျင်ဆင်းသည် ရေဝပ်ခြင်း၊ စွတ်စိုထိုင်းမှိုင်းခြင်းကို မကြိုက်။ နေ့အပူရှိန် ညအပူချိန် ကွာခြားသည့် ရာသီဥတုမျိုးတွင် မဖြစ်ထွန်း။ ပူပြင်းလွန်းသော ရာသီဥတုကိုလည်း မနှစ်ခြိုက်ချေ။ ဂျင်ဆင်းစေ့ကို စိုက်ပျိုး၍ တစ်နှစ်ခန့် အကြာတွင် လေဝင်လေထွက် ကောင်းပြီး စနစ်တကျ ပြုပြင်ထားသည့် စိုက်ကွင်းသို့ ပြောင်းရွှေ့ စိုက်ပျိုးရသည်။ လေးနှစ်မှ ငါးနှစ် သက်တမ်းရှိ ဂျင်ဆင်းပင်များကို ဆေးဝါး ထုတ်လုပ်နိုင်သည်။ ခြောက်နှစ်သား ဂျင်ဆင်းမှာ အကောင်းဆုံးဖြစ်သည်။ ဂျင်ဆင်းမြစ်၏ အလေးချိန်မှာ သုံး အောင်စခန့်ရှိပါသည်။

မြန်မာနိုင်ငံ၌ စိုက်ပျိုးအောင်မြင်နေပြီ
ယခုအခါ တရုတ်ပြည်က ယူဆောင်လာသော ဂျင်ဆင်းမျိုးစေ့ ၂၁ဝ အား ပျိုးထောင်ပြီး အပင်ပေါင်း ၂၁ဝ ကို သီပေါမြို့နယ်၊ မြန်မာ့စိုက်ပျိုးရေး လုပ်ငန်းရုံးဝင်း အတွင်းတွင် စိုက်ပျိုး ဖြစ်ထွန်း အောင်မြင်လျက် ရှိသည်ဟု သိရှိရပါသည်။ နွေရာသီအပူချိန် ၃၅ ဒီဂရီ စင်တီဂရ်ိတ် အောက်ရှိပြီး အေးသောကုန်းမြင့်များ၏ ရာသီဥတုကို ပိုမိုကြိုက်နှစ်သက်ပြီး ဓာတ်မြေသြဇာ သုံးစွဲမှုမရှိသော မြေများတွင် ပိုမိုအာနိသင် ကောင်းမွန်ကြောင်း သိရှိရပါသည်။ ယခု စိုက်ပျိုးသော ဂျင်ဆင်းသည် ကိုရီးယား၊ တရုတ်မှ ရှာဖွေ စုဆောင်းထားသော မျိုးဖြစ်ပြီး အပင်သဏ္ဌာန်၊ အရွက်၊ အပွင့်၊ အသီး ပုံသဏ္ဌာန် ကွဲပြားမှု ရှိသည်ဟု ဆိုသည်။ ဆေးဘက်ဝင် ဂျင်ဆင်းများကို စိတ်ဝင်စားသော တောင်သူများကို မျိုးများဖြန့်ဝေသွားမည်ဖြစ်ပြီး သီပေါမြို့နယ် မြန်မာ့စိုက်ပျိုးရေး လုပ်ငန်းက ကျယ်ပြန့်စွာ ဆက်လက်စိုက်ပျိုးသွားမည်ဖြစ်ပြီး စိုက်ပျိုးသူများ ဝင်ငွေရရှိရန် ဆောင်ရွက်သွားမည် ဖြစ်သည်ဟု သိရပါသည်။ သဘာဝအလျောက် ပင်ပေါက်ရောက်လျက်ရှိသော ကချင်ပြည်နယ်၊ ပူတာအို ဒေသတွင်လည်း စနစ်တကျ ပျိုးထောင် စိုက်ပျိုးသွားမည် ဆိုပါလျှင် များစွာအကျိုးရှိ မည်ဖြစ်ကြောင်း အကြံပြုတင်ပြလိုက် ရပါသည်။