မြန်မာနိုင်ငံဘက်က နယ်စပ်ကုန်သွယ်ရေး လမ်းကြောင်းမှတစ်ဆင့်
အခွန်ဆောင်ပြီး တင်သွင်းလာသော စကျင်ကျောက်များအား တရုတ်နိုင်ငံရွှေလီတွင်
လိုက်လံဖမ်းဆီးသိမ်းယူနေကြောင်း လုပ်ငန်းရှင်များ၏ပြော ကြားချက်အရ သိရသည်။ "မြန်မာနိုင်ငံက စကျင်ကျောက်တွေကို ဟိုတုန်းကတည်းက တရုတ်နိုင်ငံ ထဲကို
တင်ပို့ခဲ့တာရှိတယ်။ တင်ပို့တယ်ဆိုတာ တရားဝင်လမ်းကြောင်းက နိုင်ငံတော်ကိုအခွန်သုံးရာခိုင်နှုန်းဆောင် ပြီး တင်ပို့တာပါ။ အခုမှ ကောက်ကာငင်ကာ ရွှေလီမှာ
တရုတ်ရဲက ဖမ်းပြီးတော့ အကုန်လုံး သိမ်းယူသွားပါ တယ်" ဟု လုပ်ငန်းရှင်တစ်ဦးက
ဆိုသည်။
ယင်းကဲ့သို့ တရုတ်ပြည်ရွှေလီထဲသို့ဝင်လာသော စကျင်ကျောက်များဖမ်းဆီးရာတွင် မည်သည့် အကြောင်းကြောင့် ဖမ်းသည်ဆိုသည်ကို ပြောပြခြင်း မရှိဘဲ
အခုရက်ပိုင်းအတွင်းဖမ်း ဆီးနေခြင်းဖြစ်ကြောင်း၊ တရုတ်ရဲ အနေနှင့်
ယင်းကဲ့သို့ မထင်လျှင် မထင်သလို လုပ်တတ်သည့် သဘော ရှိကြောင်း၊ လေလောဆယ်တွင်
စကျင်ကျောက်မှာ တရုတ်ပြည်ထဲအထိ သွင်း၍ရောင်းချရသောကြောင့် ၀ယ်သူဈေးကွက်
ဖြစ်နေကြောင်း၊ များသောအားဖြင့် တစ်ဖက်လုပ်ငန်းရှင်များ အနေနှင့်လည်း
ရဲနှင့်ပေါင်း ထားပြီး ညစ်ပတ်သောနည်းများ ကျင့်သုံးလေ့ရှိကြောင်း ဒေသခံ
ကျောက်ကုန်လုပ်ငန်းရှင် တစ်ဦးကလည်း ဆိုသည်။ "သူတို့ဘက်ရောက်ရင် သူတို့ထင်သလို လုပ်ပါတယ်။ အလုပ်လာလုပ်တဲ့
သူတွေဆိုရင် တရားဝင် စာအုပ်အနီ လုပ်ထားလည်း စာအုပ်ကို ဖြဲဆုတ်ပြီး တရားမ၀င်
ဝင်ရောက်လာတာဆိုပြီး ဖမ်းတာမျိုးလည်း ရှိတယ်။ ပြီးတော့ တရုတ်ယွမ်ငွေ ၅၀၀
တောင်းတယ်။ မပေးနိုင်ရင် ထောင်ထဲပို့တယ်။ ထင်သလိုလုပ် တာပဲ။ အခုလည်း
ကျောက်တွေကို အစဉ်အဆက် တင်ပို့နေရာကနေ အခုမှ ရွှေလီထဲ ရောက်ကာမှ
ဖမ်းတယ်ဆိုပြီး ယူသွားတာပါ။ အခု အဖမ်းခံရတာ သုံးဦးပါ။ တန်ဖိုးအား
ဖြင့်ကျပ်သိန်း ၁၃၀ လောက်ပဲ ရှိတယ်ဆိုပေမယ့် တရားဝင် တင်သွင်းလာတဲ့
ပစ္စည်းအပေါ် အခုလို အနိုင်ကျင့်တာမျိုးကတော့ မကောင်း ပါဘူး" ဟု
ကျောက်လုပ်ငန်းရှင် တစ်ဦးက ဆိုသည်။
တရုတ်နိုင်ငံ ရွှေလီဘက်ခြမ်းတွင် မြန်မာနိုင်ငံဘက်မှ တင်သွင်းသော
စကျင်ကျောက်များအား အရောင်းပြ ခန်းများ ဖွင့်လှစ်ရောင်းချနေကြောင်း။
ထိုပြခန်းများတွင် ခင်းကျင်းပြသမည့် စကျင်ကျောက်များကို မြန်မာ ဘက်ခြမ်းမှ
ဝင်ရောက်လာသော အလုပ်သမားများအား စကျင်ကျောက် ပွတ်တိုက်ရန်
ပုတ်ပြတ်နှုန်းဖြင့် ငှားရမ်းလေ့ရှိကြောင်း သိရှိရသည်။ "စကျင်ကျောက်ပွတ်တဲ့ ကလေးတွေလည်း မြန်မာဘက်ကပဲ။ ဒီဘက် မှာ တစ်ရက် ကျပ်
၅၀၀၀ လောက်နဲ့ လာပွတ်ကြတာ။ ဒါပေမဲ့ တစ်ရက်လုံးလုပ်ပြီးမှ ပိုင်ရှင်က
ပိုက်ဆံမပေး ချင်ရင် ပွန်းတယ်ပဲ့တယ်ဆိုပြီး အလျော်ခိုင်းတာတွေ ရှိတယ်။
ဒါပေမဲ့ မပေးရင် ရဲလက်အပ်မယ် ဆိုတာ မျိုးပေါ့။ လုပ်ငန်းရှင်တွေတင်
ခံရတာမျိုး မဟုတ်ဘူး။ အားလုံးက ဒီဘက်က ညစ်ပတ်တာကို ခံနေရတာပါ" ဟု
တရုတ်မြန်မာ နယ်စပ်ဒေသမှ ဒေသခံတစ်ဦးက ဆိုသည်။
0 comments:
Post a Comment