နိုင်ငံခြားသား ခရီးသွားများအား ကော့သောင်းဆိပ်ကမ်းတွင် တွေ့ရစဉ်
၂၀၁၃-၂၀၁၄ ဘဏ္ဍာနှစ်ဖြစ်သော ဧပြီနှင့် မေလအတွင်း ကော့သောင်း Check Point
သို့ ထိုင်းနိုင်ငံသား များ ၀င်ရောက်လည်ပတ်ခြင်းသည် အခြားနိုင်ငံသားများ
ဝင်ရောက်လည်ပတ်ခြင်းထက် နှစ်ဆကျော် များသော်လည်း ၀င်ငွေရရှိသည့် ပမာဏနှင့်
နှိုင်းယှဉ်၍ လူဦးရေ အချိုးချပါက သိသာစွာကွာခြားခြင်း မရှိကြောင်း သိရသည်။
နှစ်လအတွင်း ထိုင်းနိုင်ငံသား ၃၀၀၉၆ ဦး ၀င်ရောက်လည်ပတ်ခဲ့ရာ
ထိုင်းဘတ်ငွေ ၂၉၆၈၉၄၀ ရရှိခဲ့ပြီး အခြားနိုင်ငံခြား ခရီးသွား ၈၃၁၉ ဦး
ဝင်ရောက်လည်ပတ်ခဲ့ရာ အမေရိကန်ဒေါ်လာ ၈၃၁၉၀ ရရှိသဖြင့် ၁၃၇၇၄ ဒေါ်လာကျော်သာ
ကွာခြားတော့ကြောင်းကို လ.၀.က ၏ စာရင်းများအရ သိရသည်။ ထိုင်းနိုင်ငံ သားများ လည်ပတ်ရာတွင် ၎င်းတို့ဝင်ရောက် လည်ပတ်သော Check Point
ပေါ် မူတည်၍ ကောက် ခံငွေပြောင်းလဲသော်လည်း အခြားနိုင်ငံခြားသား
ခရီးသွားများအား ကောက်ခံရာတွင် ပြောင်းလဲခြင်း မရှိကြောင်းကို လ.၀.က
ဦးစီးမှူး ဦးထွန်းအောင်ခိုင်က ပြောကြားရာမှာ "ထိုင်းနိုင်ငံသားတွေက
သူဌေး ကျွန်း၊ ရတနာကျွန်း Check Point တွေက၀င်တာများတယ်။ အဲဒီကနေ၀င်ရင်
ထိုင်းဘတ်ငွေ ၁၀၀ ကောက် ခံတယ်။ မြို့မတံတားက၀င်ရင် ဘတ် ၃၀ ပဲ ကောက်ခံတယ်။
ဒီကနေ ၀င်တာနည်းတယ်။ တတိယ နိုင်ငံ သားတွေကိုတော့ ဘယ်နေရာကပဲ ၀င်ဝင် ၁၀
ဒေါ်လာစီ ကောက်ခံပါတယ်" ဟု ပြောကြားသည်။
နှစ်လအတွင်း သူဌေးကျွန်း၊ ရတနာကျွန်း Check Point တို့မှ
ဝင်ရောက်လည်ပတ်ခဲ့သော ထိုင်းခရီးသွား ဦးရေမှာ ၂၈၆၅၈ ဦး ရှိပြီး
မြို့မတံတားမှ ၀င်ရောက်ခဲ့သော ဦးရေမှာ ၁၄၃၈ ဦးသာရှိကြောင်း၊ တတိယ
နိုင်ငံသားများ မြို့မတံတားမှ ၀င်ရောက်ခဲ့သော ဦးရေမှာ ၅၀၃၉ ဦးရှိပြီး
သူဌေးကျွန်း၊ ရတနာကျွန်း Check Point တို့မှ ၀င်ရောက်လည်ပတ်ခဲ့သော ဦးရေမှာ
၃၂၈၀ ရှိသည်ဟု ဆက်လက်ပြောကြားသည်။
EMG
0 comments:
Post a Comment