ယခုရာသီ
ချန်ပီယံလိဂ် ၁၆ သင်း အဆင့် ရှုံးထွက်ပွဲစဉ်များ ပြီးဆုံးပြီးနောက်
စပိန်ကလပ် အသင်းများ ဖြစ်သည့် ဘာစီလိုနာ၊ ရီးရဲလ် နှင့် မာလာဂါ၊ ပြင်သစ်
ကလပ် PSG၊ ဂျာမန်ကလပ် အသင်းများ ဖြစ်သည့်
ဘိုင်ယန်နှင့် ဒေါ့မွန်၊ စီးရီးအေ ကလပ် ဂျူဗင်တပ်နှင့် တူရကီကလပ်
ဂါလာတာစာရေး အသင်းတို့မှာ ကွာတားဖိုင်နယ်သို့ တက်ရောက်လာခဲ့သည်။ သို့သော်
နှစ်ပေါင်း ၁၇ နှစ် အတွင်း ပထမဆုံး အနေဖြင့် ယခု အဆင့်သို့
အင်္ဂလန်
ပရီးမီးယားလိဂ် ကလပ်အသင်း တစ်သင်းမျှ မပါလာခဲ့ပေ။ ကွာတားဖိုင်နယ်
မဲခွဲမှုကို မတ်လ ၁၅ ရက်နေ့တွင် ပြုလုပ်မည် ဖြစ်ပြီး ပထမ အကျော့ကို ဧပြီ ၂
ရက်နှင့် ၃ ရက် အပြင် ဒုတိယ အကျော့ကို ဧပြီ ၉ ရက်နေ့နှင့် ၁၀
ရက်နေ့များတွင် ကစားမည် ဖြစ်သည်။ ဆီမီးဖိုင်နယ် အဆင့် မဲခွဲခြင်းကို ဧပြီလ
၁၂ ရက်နေ့တွင် ပြုလုပ်မည် ဖြစ်ပြီး ပထမ အကျော့ကို ဧပြီ ၂၃ ရက်နေ့နှင့် ၂၄
ရက်နေ့တွင် လည်းကောင်း၊ ဒုတိယ အကျော့ကို ဧပြီ ၃၀ ရက်နေ့နှင့် မေ ၁
ရက်နေ့တွင် လည်းကောင်း ကစားစေမည် ဖြစ်သည်။
0 comments:
Post a Comment