မြန်မာ့ဗီဒီယိုဇာတ်ကားတွေ... ဘယ်ဘက်ကို ပြောင်းနေပြီလဲ….

      မနေ့က ညပိုင်း၈နာရီနဲ့ ၉နာရီ ရုပ်မြင်သံကြားသတင်းတွေကို ကြည့်ပြီးတဲ့နောက်မှာ အိမ်က မိသားစုနဲ့အတူ စည်းတစ်ခုရဲ့အနမ်းဆိုတဲ့ မြန်မာဗီဒီယိုဇာတ်ကားတစ်ကားကို ကြည့်ဖြစ်ခဲ့ပါတယ်။ ခုတလောမြန်မာ ဗီဒီယိုဇာတ်ကားတွေနဲ့ ပတ်သက်ပြီးတော့ ဆူဆူညံညံအသံတွေထွက်နေတဲ့ အတိုင်း ပါပဲ။ ဆင်းရဲနွမ်းပါးတဲ့ကောင်လေးတွေကို အိမ်ထောင်ရေးဖောက်ပြန်တတ်တဲ့ အမျိုးသမီးတွေက စပွန် ဆာပေးတဲ့ဇာတ် လမ်းကျောရိုးကိုယူပြီး ရိုက်ကူးထားတဲ့ဇာတ်ကားပါ။ ယောက်ျားလေးတွေနဲ့ အမျိုး သမီးကြီးတွေဆုံပြီး အရက်သောက်တဲ့အခန်းတွေ၊ ဟိုတယ်သွားတဲ့အခန်းတွေနဲ့ လှိုင်လှိုင်ထည့်ရိုက် ထားတာတွေ့ရပါတယ်။ ရိုက်ကူးသူရဲ့ စေတနာကဒီလိုမလုပ်သင့်ဘူးဆိုတာကို ပြောချင်ပေမဲ့ ထည့် ရိုက်ထားတဲ့ အရက်သောက်တဲ့အခန်းတွေနဲ့ ဟိုတယ်ထိသွားဖောက်ပြန်ကြတဲ့အခန်းတွေက ဇာတ် ကားရဲ့တန်ဖိုးကို လျော့ကျသွားစေပါတယ်။ ဒါ့အပြင်အမြင်ဆိုတာလည်း အမျိုးမျိုးရှိနိုင်တဲ့အတွက် ခုလိုအများပြည်သူအတွက် ရိုက်ကူးထုတ်လုပ်နေတဲ့ မြန်မာဗီဒီယိုဇာတ်ကားတွေမှာ ထည့်မရိုက် သင့်တဲ့အခန်းမျိုးတွေကို ထည့်ရိုက်ခြင်းအားဖြင့် မလုပ်သင့်ဘူးဆိုတဲ့ အမြင်အပြင်၊ နည်းပေးလမ်းပြ လုပ်ပေးလိုက်တယ်ဆိုတဲ့အမြင်မျိုး ရှိနိုင်တာကိုလည်း ရိုက်ကူးထုတ်လုပ်တင်ဆက်သူတွေ သတိပြု သင့်ပါတယ်။ မီဒီယာသမားတွေကိုယ်တိုင်က ကိုယ်ထုတ်လုပ်လိုက်တဲ့ ဇာတ်ကားရဲ့နောက်ဆက်တွဲကို ထည့်စဉ်းစားဖို့လိုအပ်ပါတယ်။ တစ်လောတုန်းကလည်း မျက်လုံးလေးကလယ်ကလယ်ဆိုတဲ့ ဗီဒီယို ဇာတ်ကားကို မိသားစုနဲ့အတူကြည့်နေတုန်း ရီမုဒ်ကိုယူပြီး ထကျော်ခဲ့ရတယ်။ မြန်မာဗီဒီယိုဇာတ်ကား ကို ရီမုဒ်ကွန်ထရိုးကိုင်ပြီး ကြည့်ရတဲ့အခြေအနေရောက်နေပြီလား။ မြန်မာဗီဒီယိုဇာတ်ကားတွေ ဘာ ကြောင့်အဲဒီလိုတွေဖြစ်ကုန်တာပါလဲ။ ဆင်ဆာရှိတုန်းက ဖြတ်တောက်တာတွေက တရားလွန်းဖြတ် တယ်လို့လည်း ကြားခဲ့ရပါတယ်၊ ခုလည်းလုံးဝကိုမဖြတ်မတောက်တော့ဘူးလို့ လည်းကြားရပါတယ်။ လုံးဝကိုလွှတ်ပေးလိုက်တာလား။ အဲလိုလွှတ်ပေးလိုက်တဲ့အတွက်မောင်နဲ့နှမ၊ သားနဲ့အမိကြည့်ဖို့ မသင့်လျော်တဲ့ ဇာတ်ဝင်ခန်းတွေကို ထည့်ရိုက်လာကြတာ၊ လွတ်လပ်ခွင့်ဆိုတာကို တစ်လွဲအသုံးချ နေကြသလားတော့မပြောတတ်တော့ပါဘူး။

        အများပြည်သူကိုပေးသင့်တဲ့ message ပေးဖို့အတွက် အနုပညာဆန်စွာ သန့်သန့်ရှင်းရှင်း သိမ် သိမ်မွေ့မွေ့နဲ့ မရိုက်နိုင်ကြဘူးလား။ အဲဒီလိုညစ်ညမ်းဇာတ်ဝင်ခန်းတွေထည့်ရိုက်မှ အနုပညာလို့ပြော မယ်ဆိုရင်တော့ အနုပညာကိုညစ်ညမ်းအောင် လုပ်နေသူပဲဖြစ်ပါလိမ့်မယ်။ ခုတော့ဒီမိုကရေစီအသွင် ကူးပြောင်းရေးကာလမှာ မြန်မာ့ရုပ်ရှင်ကလည်း ပြောင်းတော့ပြာင်းလဲလာတယ် နှာဘက်ကို ပိုပြောင်း လာတယ်ဆိုတာမျိုး မဖြစ်စေချင်ပါဘူး။ တစ်လောတုန်းက ဒါရိုက်တာတစ်ဦးနဲ့ နိုင်ငံတကာသတင်းစာ ဆရာတွေနဲ့ တွေ့ဆုံပွဲတစ်ခုမှာတွေ့ရင်း စကားပြောဖြစ်ကြပါတယ်။ အဲဒီတုန်းကလက်ရှိ သရုပ်ဆောင် တွေရဲ့ အ၀တ်အစားတွေနဲ့ ဖက်ရှင်ဒီဇိုင်းတွေအကြောင်းပြောဖြစ်တော့ မြန်မာပြည်က မင်းသမီးတွေနဲ့ သရုပ်ဆောင်တွေဝတ်နေတဲ့ တိုတိုပြတ်ပြတ်ဒီဇိုင်းတွေက ဖွံ့ဖြိုးနေတဲ့အိမ်နီးချင်းနိုင်ငံတွေမှာတော့ sex worker တွေဝတ်တဲ့ဒီဇိုင်းတွေ ဖြစ်နေတယ်လို့ပြောဆိုကြတာလည်း ကြားဖူးခဲ့ပါတယ်။
  သူများနိုင်ငံတွေက sex worker တွေရဲ့ တိုတိုပြတ်ပြတ်နဲ့ခန္ဓာကိုယ်ဖော်နေတဲ့ ဒီဇိုင်းတွေကို ကျမ တို့တိုင်းပြည်က သရုပ်ဆောင်မင်းသမီးတွေ ဘာဖြစ်လို့အတုခိုးပြီး ၀တ်ကြသလဲဆိုတာလည်း ကျမ တော့ စဉ်းစားလို့မရပါဘူး။ တကယ်တော့ မီဒီယာဆိုတာက အများပြည်သူအတွက် ကောင်းမွန်ရာကို တွန်းပို့ပေး ရမဲ့သူတွေပါ။ လူတွေရဲ့ဆိုးကျိုးကို တားဆီးနိုင်ဖို့နဲ့ကောင်းရာကို တွန်းပို့ပေးနိုင်ဖို့ဆိုတာက မီဒီယာတွေရဲ့ တာဝန်ပါ။ မီဒီယာတွေကိုယ်တိုင်ကိုယ်က နည်းပေးလမ်းပြ မမှားဖို့ လိုအပ်လှ ပါတယ်။ကျေးဇူးတင်ပါတယ်။

မေသင်္ကြန်ဟိန်(မြစ်မခ)