မူလတန်းအရွယ် ကျောင်းသားကျောင်းသူများတွင် ခန္ဓာကိုယ်အတွက်ဝန်ဖြစ်စေသည်အထိ လေးလံသော .ကျောပိုးအိတ် ၊ လွယ်အိတ်များကို အသုံးပြုကျောင်းတက်နေခြင်းက ၄င်းတို့၏ခန္ဓာကိုယ်ဖွံ့ဖြိုးမှုကိုထိခိုက် ပျက်စီစေနိုင်ကြောင်း မြန်မာနိုင်ငံစားသုံးသူ ကာကွယ်ရေးအသင်းဥက္ကဋ္ဌ ဦးဗခိုင်အုပ်က ပြောကြားကြောင်း သိရသည်။ မူလတန်းအရွယ်ကလေးများ၏ ခန္ဓာကိုယ်ခါးဆစ်ရိုးလေးများကနုနယ်ကာ ကျောရိုးမကြီး တွင် ရှိသော အရိုးနုလေးများ တစ်ခုနှင့် တစ်ခု ထိကပ်နေသည့်အတွက် အရိုးနုများ ပိမိပြီး ခန္ဓာကိုယ် ဖွံ့ဖြိုး သင့် သကေ် မဖွံ့ဖြိုး တော့ကြောင်း ၊ ၄င်းအပြင် အာရုံကြော များကိုလည်း ထိခိုက် စေနိုင်ကြောင်း သိရသည်။ ထို ကိစ္စအတွက် အသင်းမှ အလေးအနက်ထားကာ ပညာပေးရန် စီစဉ်ဆောင်ရွက်နေကြပြီး အခြေခံပညာမူလ တန်းကျောင်း မှ ကျောင်းအုပ်ကြီးများနှင့် တွေ့ဆုံ ဆွေးနွေးမှုများပြုလုပ်သည့်အခါ ယင်းကိစ္စကို သေချာချပြ ၍ ဆွေးနွေး သွားမည် ဖြစ်ကြောင်း ၊ မူလတန်းအရွယ်များတွင်ရှိသမျှ ဘာသာရပ်စာအုပ်တိုင်းကို စုပြုံ သယ်ဆောင်ကြရာမှ ယခုကဲ့သို့ ခန္ဓကိုယ် အတွက် ၀န်ဖြစ်စေသည့် ကိစ္စမျိုး မဖြစ်စေရန် တစ်ရက်အတွင်း အမှန်တကယ် သင်ကြားမည့် ဘာသာရပ်များကိုသာ ထည့်သွင်းသယ်ယူစေခြင်းဖြင့် စီစဉ်ထား ကြောင်း သိ ရှိရသည်။
Ref..pyichit-thar
0 comments:
Post a Comment