အိန္ဒိယရောက် မြန်မာဒုက္ခသည် ၁၀၀ ကျော်ကို အစိုးရ သွားရောက် ခေါ်ယူမည်

  ရေပိုင်နက် ကျော်လွန်မှုကြောင့် အိန္ဒိယနိုင်ငံ ပို့ဘလဲ (Port Blair) ကျွန်း ရေတပ်စခန်း ဌာနချုပ်တွင် ဖမ်း ဆီးခံပြီးနောက် လွတ်မြောက်လာသူများနှင့် မဟာစင်ဆိုင်ကလုန်းမုန်တိုင်းကြောင့် အိန္ဒိယဘက် သို့ရေမျော ကမ်းတင် ရောက်ရှိသွားခဲ့သည့် မြန်မာဒုက္ခသည် ၁၀၀ ကျော်ကို လေယာဉ်ဖြင့် အခမဲ့ သွားရောက်ကာ ခေါ် ယူ မည်ဖြစ်ကြောင်း သိရသည်။ “အိန္ဒိယရပိုင်နက်ထဲမှာ ပင်လယ်မျှော့ခိုးငုပ်တဲ့သူတွေက သူတို့နိုင်ငံရဲ့ရေ ပိုင်နက်ဥပဒေအရ အဖမ်းခံရပြီးနော် အခုလွတ်လာကျတဲ့ သူတို့ကို Open Camp မှာ ထားပြီတော့ အိန္ဒိယက ပဲ ကျွေးထားတယ်။ မဟာစင်ကြောင့် ရေဘေးဒုက္ခရောက်တာက ၃ ယောက်ပဲပါတယ်။ စုစုပေါင်းအားလုံး ၁၁၉ယောက် ပါ” ဟု နိုင်ငံခြားရေးဝန်ကြီးဌာန၊ ကောင်စီရေးရာ ဦးစီးဌာနမှ ညွှန်ကြားရေးမှူး ဦးစိန်ဦးက ဧရာဝတီသို့ ပြောသည်။ အိန္ဒိယ ရေပိုင်နက် ဥပဒေဖြင့် အဖမ်းခံထားရသူများ၏ မြန်မာနိုင်ငံသားဖြစ်မှုကို ကာလကတ္တားနှင့် နယူးဒေလီမှ မြန်မာနိုင်ငံခြားရေး ၀န်ထမ်းများက သွားရောက်စစ်ဆေး အတည်ပြု ခဲ့ကြောင်း သူကဆက်ပြောသည်။ အိန္ဒိယနိုင်ငံ၏ ရေပိုင်နက် ဥပဒေအရ ပိုင်နက်ကျူးကျော်လာသူများကို သူတို့ဥပေဒမှ ထောင်ဒဏ် ၂ နှစ် ချမှတ်နိုင်ကြောင်း သိရသည်။“ဒီကနေ လူမှုဝန်ထမ်း ကယ်ဆယ်ရေး၊ကျန်း မာရေးနဲ့ လ၀က က၀န်ထမ်း စုစုပေါင်း ၆ ယောက်လိုက်သွားပြီး အဲဒီလူတွေအတွက် လိုအပ်တဲ့ ကျန်းမာရေး လိုအပ်ချက်များကိုစောင့်ရှောက်မှုပေးမယ်။ အများစုက ဧရာဝတီတိုင်းက ဖြစ်တယ်။ အစည်းအဝေးမှာတော့ သူတို့ကို တိုင်းဒေသကြီးတွေအရောက် ကားတွေနဲ့ ပို့ပေးဖို့ ပြောထားတယ်” ဟု ဦးစိန်ဦးက ပြောသည်။
   လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာနနှင့် နိုင်ငံခြားရေးဝန်ကြီးဌာနတို့ ပူးပေါင်းလုပ်ဆောင်မည့် ယင်းအစီအစဉ်အတွက် အခမဲ့လေယာဉ်ကို ကမ္ဘောဇဘဏ်ပိုင်ရှင် ဦးအောင်ကို ဝင်းကပံ့ပိုးပြီး MAI လေကြောင်းလိုင်းကို အသုံးပြုမည်ဖြစ်ကြောင်း MAI လေကြောင်းလိုင်းမှ အပြည်ပြည် ဆိုင်ရာ မြန်မာ့လေကြောင်း ဈေးကွက်မန်နေဂျာ ဒေါ်အေးမရသာထံမှ သိရသည်။ MAI လေကြောင်းလိုင်း က အဓိကရုဏ်းများကြောင့် မလေးရှားနိုင်ငံမှ ပြန်လာလိုသည့် မြန်မာနိုင်ငံသားများအတွက်ကို အခမဲ့လေ ယာဉ်တစ်စီးစာ လှူဒါန်းခဲ့ဖူးသည်။ရာသီဥတုကြောင့်ဖြစ်စေ၊ တခြားအကြောင်း အမျိုးမျိုးကြောင့် ဖြစ်စေ ရေ ပိုင်နက်ကျော်လွန်မှုကြောင့် အိမ်နီးချင်းနိုင်ငံများသို့ မြန်မာနိုင်ငံသားများ ရောက်ရှိမှု မကြာခဏဖြစ်လေ့ဖြစ် ထရှိကြောင်း၊ ၎င်းတို့အား ပြန်လည် ကယ်ဆယ်ရေးအတွက် လူမှုဝန်ထမ်း ကယ်ဆယ်ရေးနှင့်ပြန်လည်နေ ရာချ ထားရေး ၀န်ကြီးဌာနတွင် နှစ်စဉ်ဘတ်ဂျက် သတ်မှတ်ထားကြောင်း သိရသည်။

Irrawaddy