ကင်ဆာဆရာဝန်တွေ အများကြီးအထဲမှာ ကျွန်တော်ကကင်ဆာဆေးဝါးများ(Chemotherapy) ကိုသုံးပြီး ကင်ဆာကို ကုသတဲ့သူဖြစ်ပါတယ်။ ခွဲစိတ်ကုပြီးသော ကင်ဆာရောဂါကိုကုသပေးတဲ့ ခွဲစိတ်ဆရာဝန်တွေ၊ ဓာတ်ရောင်ခြည်ကုထုံးများနဲ့ ကင်ဆာရောဂါကို ကုသပေးတဲ့ ဓာတ်ရောင်ခြည်ကင်ဆာ ဆရာဝန်ကြီးတွေ လည်းရှိကြပါသေးတယ်။ ကင်ဆာဆေးဝါးများကိုအသုံးပြုတဲ့ဆရာဝန်ဟာ သူသုံးတဲ့ဆေးဝါးများရဲ့အန္တရာယ် ကို သိဖို့လိုတာပေါ့။ လူနာကိုလည်း ဘယ်လိုဆိုးကျိုးတွေ ရှိသလဲဆိုတာ ရှင်းပြပေးဖို့တာဝန်တွေ ၇ှိတာပေါ့ ။ပျောက်စေဆရာ၊ရမ်းကုဆရာများလို ဤဆေးတော်ကြီးမှာ၉၆ပါးရောဂါအားလုံးကို ဘေးထွက်ဆိုးကျိုးများ မရှိပဲ အကုန်ပျောက်ကင်းနိုင်သည် ဆိုတာမျိုးတော့ ဘယ်ဖြစ်ပါ့မလဲ။ သည့်အတွက်ကြောင့် ကင်ဆာဆေးဝါး များရဲ့ အန္တရာယ်ကို အခွင့်အရေးရသလောက် မခြွင်းမချန်ရှင်းပြနေရတာပါပဲ။တဖက်ကလည်း သည်ကင် ဆာ ကုဆေးဝါးများဟာ တချို့သော ကင်ဆာရောဂါများကို လုံးဝအမြစ်ဖြတ်ပျောက် ကင်းသွားစေနိုင်တာ၊ လုံးဝမပျောက်ကင်းနိုင်ရင်တောင်မှ အတိုင်းအတာတစ်ခုအထိ ထိန်းထားနိုင်တာဆိုတော့ သည်ဆေးခါးကြီး ကို သုံးနေရသေးတာပါပဲ။ ခေတ်တွေပြောင်းလာတာနဲ့အမျှဘေးထွက်ဆိုးကျိုးတွေ နည်းသည်ထက်နည်းပြီး ပိုအစွမ်းထက်လာတဲ့ ကင်ဆာဆေးသစ်တွေ လဲပေါ်ပေါက်လာနေဆဲပါ။ မကြာခင်လေးကကိုပဲကင်ဆာဆေး များနဲ့ ကုသခဲ့တဲ့လူနာတွေမှာ သွေးကင်ဆာ (AML) ပိုဖြစ်စေတယ်ဆိုတဲ့လက်တွေ့သုတေသန စစ်တမ်းတစ် ခု ပေါ်ထွက်လာခဲ့ပါတယ်။ ၁၉၇၅ခုနှစ်မှ ၂၀၀၈ခုနှစ်အတွင်း ကင်ဆာကုသဆေးများနဲ့ ကုသခံခဲ့ရတဲ့ လူ နာပေါင်းလေးသိန်းကျော်ကို သုသေတနပြုတွေ့ရှိခဲ့ကြတာဖြစ်ပါတယ်။ ကင်ဆာဆေးများကြောင့် သွေးကင် ဆာရောဂါဖြစ်ပွားလာကြတယ်လို့ သတ်မှတ်ခံထားရတဲ့ လူနာထက်ဝက်လောက်ဟာ ရင်သားကင်ဆာနဲ့ လင်ဖိုးမား (NHL) ကင်ဆာများကြောင့် ကုသမှု ခံခဲ့ကြရသူတွေဖြစ်တယ်။
အစာရေမြိုပြွန်ကင်ဆာ၊ စအိုကင်ဆာ၊ သားအိမ်ခေါင်းကင်ဆာ၊ သားအိမ်ကင်ဆာ၊ ဆီးကျိတ်ကင်ဆာ များကြောင့် ကင်ဆာဆေးများသွင်းပြီးကုသခံခဲ့ကြရသူတွေမှာလည်း သွေးကင်ဆာအဖြစ်များစေတယ်လို့သိ ရပါတယ်။
အဲ.နောက်အရေးကြီးတာတစ်ခုက ကင်ဆာဆေးများနဲ့တင်မက ဓာတ်ရောင်ခြည်နဲ့ပါ ပေါင်းပြီးကုသခံခဲ့ရ တဲ့ လူနာများမှာဆိုသွေးကင်ဆာဖြစ် ဖို့နှုန်းကပိုလို့တောင် များနိုင်တယ်လို့ဆိုပါတယ်။ ဓာတ်ရောင်ခြည်တစ် မျိုးထဲနဲ့ ကုသခံခဲ့ရတဲ့လူနာနဲ့ ကင်ဆာဆေးဝါးများနဲ့ပဲ ကုသခံခဲ့ရတဲ့လူနာချင်း ဘယ်သူ့မှာ သွေးကင်ဆာကို ပိုဖြစ်နိုင်သလဲ ဆိုရင်တော့ ကင်ဆာဆေး နဲ့ကုသခံခဲ့ရသူများကပိုပါတယ်တဲ့။ ဘယ်ကင်ဆာဆေးကြောင့် ပိုပြီးသွေးကင်ဆာဖြစ်ရတယ်၊ ဘယ်လောက်ကြာကြာသွင်းခဲ့လို့ ဖြစ်ရတယ်ဆိုတဲ့ အသေးစိတ်ကိုတော့ အတိ အကျမသိရသေးပါ။ သုတေသနတွေ ထပ်ပြီးပြုလုပ်ဖို့ လိုပါလိမ့်ဦးမယ်။ ကင်ဆာကုသဆေးများရဲ့အခြေခံ သဘောက ခန္ဓာကိုယ်မှာ အသစ်ပွားများနေတဲ့ဆဲလ်တွေကို သတ်ပစ်တာဖြစ်တယ် ။ သွေးဖြူဥ ၊သွေးနီဥစ တဲ့သွေးဆဲလ်တွေဟာလည်း နေ့စဉ်လိုလို အသစ်ပွားများနေတာဆိုတော့ သူတို့ကိုထိခိုက်စေမှာ အမှန်ပါပဲ။ အသေးစိတ် နောက်ခံအကြောင်းရင်းကို ရှင်းမပြနိုင်သေးပေမယ့် ကင်ဆာကုသဆေးများရဲ့ ကင်ဆာကိုဖြစ် နိုင်ချေဆိုတာ အမှန်တကယ်ရှိပါတယ်လို့ ၀န်ခံသတိပေးလိုက်ပါရစေ။ ကြိုတင်ကာကွယ်ဖို့ကတော့ ကင် ဆာဆေးများနဲ့ ကုသရာမှာ “ရှဥ့်လဲလျှောက်သာ၊ပျားလဲစွဲသာ” ဆိုသလိုချင့်ချိန်စဉ်းစားပြီး ကုသကြဖို့ဖြစ်ပါ တယ်။
REF: http://www.medscape.com
0 comments:
Post a Comment