ဆေးကုသရန် အခက်အခဲရှိနေသည့် HIV ဗိုင်းရပ်စ်ဖြင့် အသက် ရှင်နေထိုင်သူ အမျိုးသမီးများသည် မြန်မာ အမျိုးသမီး များ ကွန်ရက်ကို ဆက်သွယ်နိုင်ကြောင်း ထိုကွန်ရက်၏ ဥက္ကဋ္ဌ နော်ရှဲဝါးက မဇ္ဈိမကို ပြောသည်။
“ပိုးကူးစက်ခံထားရသူတစ်ဦးက ရှေ့ဆက်အသက်ရှင်ဖို့နဲ့ ရောဂါထိန်းချုပ်နိုင် ဖို့ ဆေးရရှိဖို့ အဓိက အရေးကြီးဆုံးပါ။ ကွန်ရက်မှာက ပိုးကူးစက်ခံထားရသူ အချင်းချင်း ဘယ်မှာ ဆေးရနိုင်တယ်ကအစ သတင်းတွေ အဆက် မပြတ်နိုင်တော့ ဘူး”ဟု သူက ပြောသည်။
အချို့သော HIV ဗိုင်းရပ်စ်ဖြင့် အသက်ရှင်နေသူ အမျိုးသမီးများသည် လူသိမည်ကို ရှက်ကြောက်စိတ်ဖြင့် မိသားစုအတွင်း၌သာ လျှို့ ၀ှက် နေထိုင်ခြင်းကြောင့် ဆေးရရှိရန် အခက်အခဲရှိပြီး အချိန်မီ ဆေး မကုသနိုင်သဖြင့် အသက် ဆုံးပါးနိုင်သဖြင့် နိုင်ငံအနှံ့တွင် ဖြန့်ကျက်ထား သည့် မြန်မာအမျိုးသမီးများ ကွန်ရက်အဖွဲ့ဝင်များနှင့် ချိတ်ဆက်ရန် သူက အကြံပေးခြင်း ဖြစ်သည်ဟုလည်း ရှင်းပြသည်။
“ကွန်ရက်မှာ စိတ်ပိုင်းဆိုင် ရာ မြှင့်တင်ပေးတဲ့ သင်တန်းတွေ ပေးပါတယ်။ ပိုးကူးစက်ခံထားရသူ ကွန်ရက်အဖွဲ့ဝင်တွေ အလုပ်အကိုင် နေရာတွေ ဖော်ဆောင်ပေးဖို့ကို ပြည်တွင်း/ ပြည်ပ လုပ်ငန်းရှင်တွေနဲ့ ဆွေးနွေးမှုတွေ ဆောင်ရွက်နေပါတယ်”ဟု နော်ရှဲဝါး
က ပြောသည်။
မဇ္ဈိမ
0 comments:
Post a Comment