“စန်းမြို့ရပ်ကွက်က လင်မယား နှစ်ယောက်က ကျီကုန်းဘက်မှာ ဆိုင်ကယ်နဲ့လာရင်း မျောသွားတာ။ အခုထိ ပြန်မတွေ့သေးဘူး။ နောက်စခန်းကြီးရွာက အမျိုးသမီးတစ်ဦးလည်း ဖောင်ကူးဘက်မှာ မျောသွားတာ ပြန် မတွေ့သေးဘူး။ သူတို့ကို ပျောက်ဆုံးဖွင့်ထားတယ်။ ဆင်ရွာဘက်က တစ်ဦးကတော့ ဆည်ကြီးချောင်းမှာ ရေဆင်းကူးရင်း သေသွားတယ်” ဟု ဦးအေးနိုင်က ဆိုသည်။
ကလေးမြို့နယ်၊ နတ်ကြီးကုန်း ကျေးရွာအနီး ဘုံးချောင်းနံဘေးရှိ တောင်ယာ အခင်းတဲ အလုံး ၄၀ ခန့်မှာလည်း ချောင်းရေကြောင့် မျောပါသွားပြီး အနည်းဆုံး လူသုံးဦး ပါသွားကြောင်း ယင်းချောင်းအနီး တွင် နေထိုင်သူများထံမှ သိရသည်။
ကလေးမြို့ မြောက်ပိုင်းတွင်လည်း စခန်းကြီးကျေးရွာမှ တစ်ဦး၊ နန်းဗဟိုရ် ကျေးရွာမှတစ်ဦးနှင့် ကံသာယာကျေးရွာမှ လေးဦး တို့မှာ ပျောက်ဆုံးနေပြီး စခန်းကြီးကျေးရွာမှ ပျောက်ဆုံးသူမှာ အလောင်းပြန်လည် ရရှိကြောင်း ယင်းဒေသခံများထံမှ သိရသည်။
ကလေးမြို့ အနောက်မြောက်ပိုင်းရှိ ဆည်ကြီးချောင်းတံတား၊ နတ်တံခါးချောင်းတံတား၊ မြို့အလယ်တွင် ဖြတ်သန်း စီးဆင်းသော ဥပုသ်ချောင်းကူး ဆိပ်ကမ်းသာတံတား၊ ကလေး-ဂန့်ဂေါလမ်းပေါ်ရှိ နန်းကလိန် ချောင်းတံတားနှင့် စိုင်ဒူးတို့မှာလည်း ချောင်းရေ တိုက်စားမှုကြောင့် ပျက်စီးခဲ့ကြောင်း၊ ရပ်ကွက် ကျေးရွာအုပ်စု (၁၈) အုပ်စုမှ လယ်မြေဧက ၆၈၇၈ ဧက ရေဖုံးလွှမ်းခဲ့ပြီး ကလေးမြို့ပေါ်တွင် ရေဘေးကြောင့် လူ ၄၀၇၅ ဦးနှင့် ကျေးရွာများမှ ၂၁၁၆ ဦးတို့ ဒုက္ခရောက်ရှိခဲ့ပြီး ကယ်ဆယ်ရေးစခန်း ခြောက်ခုဖွင့်ကာ ကူညီပေးနေကြောင်း မြို့နယ် စီမံခန့်ခွဲမှု ကော်မတီထံမှ သိရသည်။
မြတ် (ကလေး)
The Voice Weekly
0 comments:
Post a Comment