ပါပါရာဇီ သတင်းထောက် တစ်ဦး၏ စက်ဘီးဖြင့် ဝင်တိုက်ခြင်းကို ခံ
ခဲ့ရသည့် နစ်ကိုးလ်ကစ်ဒ်မင်းက မိမိ၏ အခြေအနေ အဆင်ပြေကြောင်း ပရိသတ်များအား အသိပေးခဲ့သည်။ နယူးယော့ခ်တွင် ကြာသပတေးနေ့က အရှိန်ဖြင့် မောင်းလာသည့် စက်ဘီးတစ်စင်းဖြင့် ဝင်တိုက်မှုကို ခံခဲ့ရသည့် ဟောလီးဝုဒ် မင်းသမီးသည် ခြေပစ်လက်ပစ် ပြုတ်ကျ သွားပြီးနောက် သူမအနေဖြင့် ထိခိုက် ဒဏ်ရာရသွားမည်ကို ပရိသတ်
များက စိုးရိမ်ခဲ့ကြသည်။
နစ်ကိုးလ်အနေဖြင့် Calvin Klein ဖက်ရှင်Showမှအပြန် သူမတည်းခိုနေသော ဟိုတယ် ရှေ့ဘက်တွင် ဖြစ်ပွားခဲ့သော မတော်တဆမှု အပြီးတွင် ဆေးရုံကားတစ်စင်း ရောက်လာပြီး ကုသမှု ပေးခဲ့သည့်အတွက် ပရိသတ်များက ပိုမို စိတ်ပူပင်ခဲ့ကြခြင်း ဖြစ်သည်။ နစ်ကိုးလ်က Entertainment Tonight၏ ဆက်သွယ် မေးမြန်းမှုတွင် "ကျွန်မ အဆင်ပြေပါတယ်။ ဒါပေမဲ့ ကျွန်မ နည်းနည်းတော့ တုန်လှုပ်သွားတာ အမှန်ပါပဲ"ဟု ဖြေကြားခဲ့သည်။ သူမက ပါပါရာဇီ သတင်းသမားကို တရားစွဲဆိုရန် အစီအစဉ်ရှိကြောင်း သတင်းများကိုမူ ငြင်းဆန်သွားသည်။ "ကျွန်မက အဲဒီကိစ္စကို ရဲတွေနဲ့ပဲ လွှဲထားလိုက်ပါပြီ"ဟု နစ်ကိုးလ်က ဆိုသည်။
သတင်းသမား ကားလ်ဝူသည် လူသွားလမ်းပေါ် စက်ဘီးတက်စီးမှုအတွက် ရဲများ၏ စစ်ဆေးမေးမြန်းမှုကို ခံခဲ့ရသည်။ သို့သော်လည်း ကားလ်ကို ရာဇဝတ်မှု တစ်ရပ်ဖြင့် ဖမ်းဆီးမှု မရှိခဲ့ကြောင်း သိရသည်။ ကားလ်သည် နာမည်ကျော်များ၏ သတင်းဓာတ်ပုံ ရရှိရန်အတွက် အဆင်အခြင်မဲ့ လုပ်ဆောင်တတ်သူ တစ်ဦးအဖြစ် ယခင်ကတည်းက နာမည်ဆိုး ထွက်ခဲ့သည်။ ၎င်းသည် (၂၀၁၀)ပြည့်နှစ်ကလည်း လေဒီဂါဂါ၏ ဓာတ်ပုံကို ရရှိရန်အတွက် အသည်းအသန် အားထုတ်မှုကြောင့် ဝေဖန်စ ရာများ ဖြစ်ခဲ့ဖူးသည်။
Planet Myanmar Network
0 comments:
Post a Comment