(၂၂) ကြိမ်မြောက် အရှေ့အာရှ စီးပွားရေး ဖိုရမ်သို့ တက်ရောက်လာသည့် ကမ္ဘာ့လူငယ် ခေါင်းဆောင်များ (Young Global Leaders) အား မြန်မာနိုင်ငံ၏ နိုင်ငံရေး ပြုပြင်ပြောင်းလဲမှု၊ စီးပွားရေး၌ မဟာဗျူဟာမြောက် နေရာတွင် တည်ရှိနေမှုများနှင့် ပတ်သက်၍ နိုင်ငံတော်သမ္မတ ဦးသိန်းစိန်က ရှင်းလင်းပြောကြားခဲ့သည်။
ဇွန် ၅ ရက် နံနက်က နေပြည်တော်ရှိ နိုင်ငံတော် သမ္မတအိမ်တော်၊ သဘင်ဆောင်၌ ကမ္ဘာစီးပွားရေး ဖိုရမ်သို့ တက်ရောက်လာကြသည့် ကမ္ဘာ့လူငယ် ခေါင်းဆောင်များ (Young Global Leaders) ကွန်ရက်မှ အဖွဲ့ဝင် ၂၀၀ ကို တွေ့ဆုံစဉ် နိုင်ငံတော်သမ္မတက မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်များကို ရှင်းလင်းပြောကြားခဲ့ခြင်း ဖြစ်သည်။
"နိုင်ငံ တည်ဆောက်ရေးမှာ နှစ်ပေါင်း ၆၀ လုံးလုံး ကျွန်တော်တို့ကို နောက်ကျကျန်စေခဲ့တဲ့ မတူညီတဲ့ အင်အားစုတွေအကြား ထိပ်တိုက်ရင်ဆိုင်ပြီး အနိုင်နဲ့ အရှုံးဆိုတဲ့ သတ်မှတ်ချက် နှစ်ခုသာ ရှိတဲ့အလေ့အကျင့် ဆိုးတွေကို အတိတ်မှာ ချန်ထားခဲ့ပြီး မတူညီတဲ့ အားတွေကို စုစည်းပြီး အချင်းချင်း ညှိနှိုင်းပူးပေါင်း ဆောင်ရွက်နိုင်တဲ့ နိုင်ငံရေး အခြေအနေ တစ်ရပ်ကို ကြိုးပမ်းဖော်ဆောင် နေပါတယ်" ဟု နိုင်ငံတော်သမ္မတ ဦးသိန်းစိန်က ပြောကြားသည်။
| ပြုပြင်ပြောင်းလဲရေး ကိစ္စရပ်များနှင့် ပတ်သက်လျှင် ဖွဲ့စည်းပုံ အခြေခံ ဥပဒေများ၊ ရွေးကောက်ပွဲများ၊ နိုင်ငံရေး ပါတီများ၏ အခန်းကဏ္ဍ များကိုသာ အာရုံစိုက်ပြီး အသားပေး ပြောဆိုနေသည်များကို တွေ့ရပြီး မိမိအနေဖြင့် ၎င်းကိစ္စများထက် သာမန်ပြည်သူတစ်ဦး အခက်အခဲ အကျပ်အတည်းများက လွတ်မြောက်ပြီး ပိုမိုကောင်းမွန် သာယာသော ဘ၀များ တည်ဆောက်နိုင်ရေး . . . . . |
ပြည်သူ့ရေးရာ ၀န်ဆောင်မှုများကို ထိရောက်စွာ ဆောင်ရွက်ပေးနိုင်ရေး ဆောင်ရွက်လျက် ရှိကြောင်း၊ တစ်ပြည်လုံး အတိုင်းအတာအရ အပစ်အခတ် ရပ်စဲပြီး နိုင်ငံရေး ဆွေးနွေးပွဲများ စတင်နိုင်တော့မည် ဖြစ်ကြောင်းလည်း နိုင်ငံတော်သမ္မတက ပြောကြားခဲ့သည်။
မြန်မာနိုင်ငံ၏ ပြုပြင်ပြောင်းလဲရေး ကိစ္စရပ်များနှင့် ပတ်သက်လျှင် ဖွဲ့စည်းပုံ အခြေခံ ဥပဒေများ၊ ရွေးကောက်ပွဲများ၊ နိုင်ငံရေး ပါတီများ၏ အခန်းကဏ္ဍ များကိုသာ အာရုံစိုက်ပြီး အသားပေး ပြောဆိုနေသည်များကို တွေ့ရပြီး မိမိအနေဖြင့် ၎င်းကိစ္စများထက် သာမန်ပြည်သူတစ်ဦး အခက်အခဲ အကျပ်အတည်းများက လွတ်မြောက်ပြီး ပိုမိုကောင်းမွန် သာယာသော ဘ၀များ တည်ဆောက်နိုင်ရေးနှင့် လူတန်းစေ့ ဘ၀ရပ်တည်နိုင်ရေးကို အာရုံစိုက် ဆောင်ရွက်လျက် ရှိသည်ဟု နိုင်ငံတော်သမ္မတက ပြောကြားခဲ့သည်။
မြန်မာနိုင်ငံသည် ပထ၀ီ အနေအထားအရ အာရှဒေသ၏ လမ်းဆုံလမ်းခွမှာရှိပြီး လူဦးရေ သန်းနှစ်ထောင်ကျော် နေထိုင်သည့် စီးပွားရေး ဖွံ့ဖြိုးတိုးတက်မှု အလျင်မြန်ဆုံး ဖြစ်နေသော ဈေးကွက်များကို ချိတ်ဆက်ပေးရမည့် မဟာဗျူဟာမြောက် နေရာတစ်နေရာလည်း ဖြစ်သည်ဟု နိုင်ငံတော်သမ္မတ ဦးသိန်းစိန်က ပြောကြားသည်။
မြန်မာနိုင်ငံ၏ စီးပွားရေး ဖွံ့ဖြိုးတိုးတက်ရေးအတွက် World Bank, IMF, ADB တို့ အပါအ၀င် နိုင်ငံတကာ အဖွဲ့အစည်းများ၏ အကူအညီများ ရယူဆောင်ရွက်နေကြောင်း သမ္မတ ဦးသိန်းစိန်က ပြောကြားသည်။
ကမ္ဘာ့လူငယ် ခေါင်းဆောင်များ (Young Global Leaders) ကွန်ရက်ကို နိုင်ငံပေါင်း ၇၈ နိုင်ငံကျော်မှ နယ်ပယ်ဒေသ အသီးသီးတွင် ထူးချွန်သည့် လူငယ်ခေါင်းဆောင်များနှင့် ဖွဲ့စည်းထားကြောင်း သိရသည်။
အဆိုပါ တွေ့ဆုံပွဲတွင် ကမ္ဘာ့လူငယ် ခေါင်းဆောင်များကိုယ်စား မြန်မာနိုင်ငံမှ ဦးသူရကိုကိုက မေးခွန်းများ မေးမြန်းခဲ့ပြီး နိုင်ငံတော်သမ္မတက ပြန်လည်ဖြေကြား ပေးခဲ့ကြောင်း သိရသည်။
နိုင်ငံတော်သမ္မတ ဦးသိန်းစိန်က "ကမ္ဘာကြီးဟာ သဘာဝ ဘေးအန္တရာယ်တွေ၊ ကူးစက်မြန်ပြင်းထန် ရောဂါတွေ၊ ဆင်းရဲမွဲတေမှုတွေနဲ့ စားနပ်ရိက္ခာ မလုံလောက်မှုတွေ၊ အကြမ်းဖက်ဝါဒ ပျံ့နှံ့လာမှုတွေ စတဲ့စိန်ခေါ်မှုတွေနဲ့ ခြိမ်းခြောက်မှုတွေကို ကြုံတွေ့နေရပြီး ဒီစိန်ခေါ်မှုနဲ့ ခြိမ်းခြောက်မှုတွေကို ကမ္ဘာ့မိသားစုဝင် နိုင်ငံများ အားလုံးက ၀ိုင်းဝန်းပူးပေါင်းပြီး ရင်ဆိုင်ကျော်လွှား ကြရမှာလည်း ဖြစ်ပါတယ်။ အထူးသဖြင့် နှစ်ပေါင်းများစွာ အထီးကျန် ဖြစ်ခဲ့ရတဲ့ မြန်မာနိုင်ငံ အနေနဲ့ အထွေထွေ ပြုပြင်ပြောင်းလဲရေးများနဲ့ အတူ နိုင်ငံတကာ အသိုက်အ၀န်းကို ပြန်လည်ချင်းနင်း ၀င်ရောက်ဖို့ ကြိုးပမ်းနေတဲ့ အခုလို အချိန်ကာလမျိုးမှာ ကမ္ဘာ့စီးပွားရေး ဖိုရမ်ကို အိမ်ရှင်အဖြစ် လက်ခံကျင်းပ ပေးနိုင်ခြင်းဟာ ကမ္ဘာလုံးဆိုင်ရာ စိန်ခေါ်မှုတွေနဲ့ အခက်အခဲတွေမှာ မြန်မာနိုင်ငံ အနေနဲ့ ကမ္ဘာ့မိသားစုဝင် နိုင်ငံတစ်နိုင်ငံ ဖြစ်တာနဲ့အညီ ကမ္ဘာ့အရေး အရာတွေမှာ တစ်တပ်တစ်အား ပူးပေါင်းဆောင်ရွက်မှုကို အလေးအနက် ထင်ဟပ်စေမှာ ဖြစ်ပါတယ်" ဟု ပြောကြားသည်။
ကမ္ဘာ့လူငယ် ခေါင်းဆောင်များ အနေနှင့် မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်များတွင် ပါဝင်ကူညီ လိုပါက ၀မ်းမြောက်ဝမ်းသာ ကြိုဆိုကြောင်းနှင့် မြန်မာနိုင်ငံ၏ လက်တွေ့ပြုပြင် ပြောင်းလဲရေး လုပ်ငန်းစဉ်များမှ သင်ယူစရာ လေ့လာစရာများ ရရှိလိမ့်မည်ဟု မျှော်လင့်ယုံကြည်သည်ဟု နိုင်ငံတော်သမ္မတက နိဂုံးချုပ်တွင် ပြောကြားခဲ့သည်။
ref : eleven
0 comments:
Post a Comment