၂၀၁၃ ခုနှစ်အတွင်း နေပြည်တော်တွင် ပြုလုပ်သည့် ကျောက်မျက်ရတနာ ပြပွဲကို တွေ့ရစဉ်
မြန်မာနိုင်ငံမှထွက်ရှိသော အရည်အသွေးမြင့်ကျောက်စိမ်းများ မှောင်ခိုလမ်းကြောင်းမှတစ်ဆင့် တရုတ်နိုင်ငံသို့ တင်သွင်းမှု များပြားလာကြောင်း ဒေသခံများ၏ ပြောကြားချက်အရ သိရသည်။
"တရုတ်ပြည်ဘက်မှာ ကျောက်စိမ်းမြို့တော် ဆိုတာရှိတယ်။ အမှန်ကသူတို့ကအမွှမ်းတင်ထား တာ။ သူတို့ဆီမှာ ကျောက်စိမ်း တကယ်မထွက်ပါဘူး။ မြန်မာပြည်က ကျောက်စိမ်းတွေပဲ အကြီးအကျယ် တင်သွင်းတာပါ။ တစ်ရာမှာ ရာခိုင်နှုန်း ၈၀ က မှောင်ခိုလမ်းကြောင်း ကနေပြီး တရုတ်ပြည်ဘက်ကို သွားနေတယ်။ ပြပွဲမှာပြတယ်ဆိုတာတွေက အမှန်အတိုင်းပြော ရင်မှောင်ခို ကသွားတဲ့ ကျောက်စိမ်းတွေလောက် အရည်အသွေး မကောင်းဘူး။ အခုဆိုရင် တရုတ်ပြည်ရဲ့ မှောင်ခိုကျောက်စိမ်း ဈေးကွက်ကြောင့် မြန်မာနိုင်ငံမှာ နှစ်ပေါင်း ၂၀ လောက် အတွင်းမှာ ကျောက်စိမ်းဆိုတာ မြေလှန်သလောက် ဖြစ်သွားပါပြီ" ဟု တရုတ်-မြန်မာ နယ်စပ်ဒေသမှ စီးပွားရေး လုပ်ငန်းရှင် တစ်ဦးက ပြောကြားခဲ့သည်။ တရုတ်နိုင်ငံအနေဖြင့် မူမြန်မာနိုင်ငံမှ ကျောက်စိမ်းကိုအဓိကထား တင်သွင်းနေပြီး အခြားပတ္တမြားနှင့် နီလာကဲ့သို့ အဖိုးတန် ကျောက်များမှာမူ ယိုးဒယားဘက်သို့ မှောင်ခိုလမ်းကြောင်းမှတစ်ဆင့် သွားနေကြောင်း သိရသည်။
"အခု နှစ်ပိုင်းတွေမှာ ကျောက်စိမ်းတရားဝင် တင်သွင်းမှုသည် လျော့ကျလာတယ်။ အဓိက ကတော့ တရုတ်ဘက်က အခွန်တိုးကောက် လိုက်တာလည်း ပါတယ်။ ဒီတော့ မှောင်ခိုကို အားပေးသလို ဖြစ်သွားပါတယ်" ဟု လုပ်ငန်းရှင် တစ်ဦးက ပြောကြားခဲ့သည်။ မြန်မာနိုင်ငံ တွင် ကျောက်စိမ်းကို ကချင်ပြည်နယ် လုံးခင်း၊ ဖားကန့်၊ မိုးညင်း ဒေသများတွင် လည်းကောင်း၊ အလားတူ စစ်ကိုင်းတိုင်း ဒေသကြီးတွင် ခန္တီးမြို့နယ်တို့တွင် လည်းကောင်းထုတ်ယူနိုင်ကြောင်း၊ အခြားကျောက်မျက် ရတနာများကိုမူ ကချင်ပြည်နယ် နန့်ယားဆိတ်၊ မန္တလေးတိုင်း ဒေသကြီး တွင် မိုးကုတ်နှင့် ရှမ်းပြည်နယ် မိုင်းရှူးမြို့များတွင် ထုတ်ယူနိုင်ကြောင်း သိရသည်။ အမျိုးသား စီမံကိန်း ဥပဒေ မူကြမ်းအရမူ ၂၀၁၃-၂၀၁၄ ဘဏ္ဍာရေးနှစ်တွင် ယခင်ထုတ်လုပ်မှု ပမာဏ ထက် သဘာဝဓာတ်ငွေ့ကို ရာခိုင်နှုန်း ၂၅၊ ကျောက်စိမ်းကို ခုနစ်ရာခိုင်နှုန်း၊ ကျောက်မျက် ရတနာ ရာခိုင်နှုန်း ၁၀ ပိုမိုထုတ်လုပ် နိုင်မည်ဟု ရည်မှန်းထားကြောင်း၊ ထို့အတွက် သတ္တု တွင်းထွက် ပစ္စည်းကဏ္ဍတွင် အသားတင် ထုတ်လုပ်မှု တန်ဖိုးကို ကျပ် ၃၉၈၁၉၆ ဒသမ ၇ သန်း ရရှိအောင် ထုတ်လုပ်ရန် မျှော်မှန်းထားကြောင်း အဓိက သတ္တုနှင့် ကျောက်စိမ်းကို ၇ ဒသမ ၈ ရာခိုင်နှုန်းနှင့် ကျောက်မျက်ရတနာကို ၁၀ ဒသမ ၅ ရာခိုင်နှုန်း တိုးထုတ် မည်ဖြစ်ကြောင်း သိရသည်။ ယင်းကဲ့သို့ တိုးမြှင့်ထုတ်ယူရန် ရည်မှန်းထားသော်လည်း မှောင်ခို လမ်းကြောင်းမှ ထွက်နေသော ကျောက်စိမ်းနှင့် ကျောက်မျက်ရတနာများအား မတား ဆီးနိုင်ပါက နိုင်ငံတော်မှ ရသင့်ရထိုက်သင့်သည့် ပြည်သူ့ဘဏ္ဍာငွေများ ဆုံးရှုံးမှုများ ရှိနိုင်ကြောင်း သုံးသပ်မှုများလည်း ရှိနေသည်။
Eleven Media Group
0 comments:
Post a Comment