နေပြည်တော်တွင် ကျင်းပခဲ့သည့် World Economic Forum တွင် လုံခြုံရေး ဆောင်ရွက်နေသော ရဲတပ်ဖွဲ့ဝင်များ (ဓာတ်ပုံ - ၀င်းမြင့်ကျော်)
မြန်မာနိုင်ငံ အတွင်းရှိ ရဲစခန်းများအား ရှောင်တစ်ခင် စစ်ဆေးမှုများ
ပြုလုပ်ရန် ရဲတပ်ဖွဲ့ ဌာနချုပ်မှ အထူးအဖွဲ့တစ်ခု ဖွဲ့စည်းထားကြောင်း
မြန်မာနိုင်ငံ ရဲတပ်ဖွဲ့ ဌာနချုပ်မှ သိရသည်။ သတင်းပေးပို့ချက်အရ ရှောင်တခင်
ဝင်ရောက်စစ်ဆေးမှုများအတွင်း မည်သည့်အဖွဲ့အစည်းမှ သတင်းပေးပို့ခြင်းများ
ပြုလုပ်ခြင်း မရှိဘဲ လုပ်ဆောင်သွားမည်ဖြစ်ပြီး ၀င်ရောက်စစ်ဆေးမည်ဖြစ်သော
အထူးအဖွဲ့တွင် အင်အား ၁၀၀ ခန့်ရှိမည်ဖြစ်ကြောင်း မြန်မာနိုင်ငံ ရဲတပ်ဖွဲ့
ဌာနချုပ်မှ သိရသည်။ "တိကျမှန်ကန်တဲ့ သတင်းအချက်အလက် ပေးပိုမှုတွေနဲ့ တိုင်ကြားနိုင်တယ်။ ဒါက
ရဲချုပ်ဌာနက အမှန်တကယ် လုပ်ဆောင်သွားမယ်။ ပြီးရင် ဖမ်းဆီးမှုတွေလုပ်ပြီး
အရေးယူမှုတွေ ပြုလုပ်သွားမယ်" ဟု ဒုတိယ ရဲမှူးကြီးဝင်းစိန်၏ ပြောကြားချက်အရ
သိရသည်။
၂၀၁၃ ခုနှစ် ဇွန် ၁၇ ရက်တွင် မြန်မာနိုင်ငံ ရဲတပ်ဖွဲ့ ဌာနချုပ်မှ
ပထမဦးဆုံးအကြိမ် ၀င်ရောက်စစ်ဆေးခဲ့သော ကလေးခရိုင် ရဲတပ်ဖွဲ့မှူးရုံးမှာ
လာဘ်စားမှုများနှင့် အဂတိလိုက်စားမှု၊ တရားမ၀င် လောင်းကစား
ခွင့်ပြုမှုများနှင့် ရဲတပ်ဖွဲ့ ဂုဏ်သိက္ခာနှင့် ညီညွတ်မှု မရှိသည်များကို
စစ်ဆေးတွေ့ရှိ ခဲ့ရကြောင်း လည်း ဒုတိယရဲမှူးကြီး ၀င်းစိန်က
ဆက်လက်ပြောကြားသည်။ မြန်မာနိုင်ငံ အတွင်းရှိ ရဲစခန်း တစ်ခုခုမှ ကျင့်ဝတ်နှင့် မညီသော
လုပ်ဆောင်ချက်များ လုပ်ဆောင်ပါက တိကျမှန်ကန်သော သတင်းအချက်အလက်များဖြင့်
ရဲချုပ်ရုံးသို့ တိုင်ကြားသတင်းပို့နိုင်ကြောင်း ထုတ်ပြန်ထားသည်။
0 comments:
Post a Comment