လန်ပိကျွန်းသို့ နိုင်ငံခြားသား ခရီးသွားများ လာရောက် အပန်းဖြေနေစဉ် (ဓာတ်ပုံ-ဇော်မိုးဦး)
တနင်္သာရီတိုင်းဒေသကြီး၊ ကော့သောင်းခရိုင်တွင် ၁၉၉၆ ခုနှစ်မှစ၍
လန်ပိကျွန်း အမျိုးသားအဏ္ဏ၀ါဥယျာဉ် အဖြစ် သတ်မှတ်ခဲ့ရာ ၂၀၅ စတုရန်းကီလိုမီတာကျယ်ဝန်းပြီး လန်ပိကျွန်း၊ ၀အလယ်ကျွန်း၊ ဗိုလ်ချို ကျွန်း၊
ညောင် ၀ီးကျွန်းနှင့် ကျွန်းဖီလာကျွန်းတို့ ပါဝင်ကြောင်း သိရသည်။ လန်ပိကျွန်း အမျိုးသားအဏ္ဏ၀ါ ဥယျာဉ်မှာ မြန်မာ့ကမ်းရိုးတန်းတစ်လျှောက်ရှိ ကျွန်းများတွင် တစ်ခုတည်းသော အမျိုးသားအဏ္ဏ၀ါ
ဥယျာဉ်ဖြစ်ကြောင်း၊ မြိတ်ကျွန်းစုတွင် ကျွန်းပေါင်း ၈၀၀ ကျော် ရှိသည့်အနက်
ကျွန်းငါးကျွန်းကို စုပေါင်းကာ လန်ပိကျွန်း အမျိုးသား အဏ္ဏ၀ါဥယျာဉ်အဖြစ်
သတ်မှတ်ခဲ့ကြောင်း သိရသည်။
၂၀၁၃ ခုနှစ်၊ ဇွန် ၁၂ ရက်တွင် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန (MIC) က ကျွန်းဖီလာနှင့် ငါးမန်းကျွန်းတွင်
နိုင်ငံခြားရင်းနှီးမြှုပ်နှံမှု ဥပဒေအရ ဟိုတယ်လုပ်ငန်းအဖြစ်
ဖက်စပ်လုပ်ကိုင်ရန် ကျော်ဝင်း ဖြိုးမောက်ကုမ္ပဏီနှင့် Mokan International
Co.Ltd တို့အား BOT စနစ်ဖြင့် နှစ် ၅၀ ငှားရမ်း လုပ်ကိုင်ရန်
ခွင့်ပြုခဲ့ကြောင်း သိရသည်။ ကျွန်းဖီလာကျွန်းသည် ကော့သောင်းမြို့၏ အနောက်မြောက်ဘက် ရေမိုင် ၄၅
မိုင်ခန့်တွင် တည်ရှိပြီး သောင်ကမ်းသဲတန်းရှည်၍ လှပသောသဲသောင်ကမ်းခြေနှင့်အတူ ကျောက် ခက်၊ ကျောက်ပန်း များ အရောင်စုံ၊
အမျိုးစုံရှိခြင်း၊ ၎င်းကျွန်း၏ အနောက်မြောက်ဘက်ရှိ ဗိုလ်ရွဲကျွန်းတွင်
တစ်နှစ်ပတ်လုံး ရေချိုသုံးနိုင်သော ရေတံခွန်ငယ် ရှိခြင်း၊
တောင်ဘက်မျက်နှာပြင်တွင် Mongrove (လမုမင်)တောနှင့် အတူ လှေလှော်နိုင်သော
စမ်းချောင်းရှိခြင်းနှင့် ဆလုံလူမျိုးများ ယာယီလာရောက်၍ ၀မ်းစာရှာခြင်းများ
ဆောင်ရွက်လေ့ရှိကြောင်းကို သဘာဝအရင်းအမြစ်လေ့လာသော ခရီးသွားမှတ်တမ်း များမှ သိရသည်။
အမျိုးသား အဏ္ဏ၀ါဥယျာဉ်ကဲ့သို့ နာမည်ကြီး လူကြိုက်များသော ကျွန်းများမှာ
အောက်ကျွန်းနီကျွန်း၊ နာနတ်သီးကျွန်း၊ တောင်တော်ဝင်ကျွန်း၊
မြောက်တော်ဝင်ကျွန်းများ ဖြစ်၍ ကော့သောင်းမြို့မှ ရေမိုင် ၆၀ ၀န်းကျင်တွင်
တည်ရှိသည်။ "လန်ပိကျွန်းဆိုတာ အဏ္ဏ၀ါအမျိုးသားဥယျာဉ်အဖြစ် သတ်မှတ်ထားတဲ့ နေရာ ပါ။
ကျွန်းပေါ်မှာ သစ်ပင်၊ သစ်တော ခုတ်လို့မရသလို ကျွန်းပတ်လည်မှာလည်း
ငါးဖမ်းလို့ မရပါဘူး။ အခုနောက်ပိုင်း ကျွန်းတွေမှာ သဘာဝ သယံဇာတတွေ
နည်းပါးသွားတာ တွေ့ရပါတယ်။ နိုင်ငံခြားသား ခရီးသွားတွေက သဲသောင်တွေပေါ်
အလှအပတွေကို ပိုပြီးစိတ်ဝင် စားကြပါတယ်။ အခုလို လုပ်ခြင်း အားဖြင့်
လန်ပိကျွန်းရဲ့ သဲသောင်အလှအပတွေ ထိခိုက်ပျက်စီးသွားမှာကို စိုးရိမ်မိပါတယ်"
ဟု ဒေသခံတစ်ဦးက ပြောကြားသည်။
0 comments:
Post a Comment